نوێترین ١٠ بابەت

هاوپۆلەکان

ئەرشیف

گەڕان لەماڵپەڕ

چوونه‌ژووره‌وه‌




دواهەمین ١٠ بۆچوون

دراوسێکان

پرسیار و وه‌ڵام سه‌باره‌ت به‌سێکس

كانونی دووه‌م 21, 2010

پرسیار و وه‌ڵام سه‌باره‌ت به‌سێکس

ماڵپه‌ڕی ده‌روونناسی وه‌ڵامی پرسیاره‌کان ده‌داته‌وه‌

سه‌ره‌تا داوای لێبوردن له‌هه‌موو ئه‌و به‌ڕێزانه‌ ده‌که‌ین که‌وه‌ڵامه‌کانیان دواکه‌وتووه‌، دڵنیابن له‌زووترین کاتدا وه‌ڵام ده‌درێنه‌وه‌، هه‌روه‌ها داواکارین له‌و به‌ڕێزانه‌ی پرسیاره‌کانیان بۆ ئه‌م گۆشه‌یه‌ ده‌نێرن له‌ڕێی کۆمێنتی گۆشه‌که‌وه‌ یان به‌ئیمه‌یلی ماڵپه‌ڕ، ئه‌وا هه‌وڵ بده‌ن پرسیاره‌کانیان دووباره‌ نه‌بێت، بۆ ئه‌وه‌ی دڵنیابیت که‌ئه‌و هاوشێوه‌ی پرسیاره‌که‌ی به‌ڕێزتان وه‌ڵام دراوه‌ته‌وه‌ ده‌کرێت له‌هه‌ردوو گۆشه‌ی سێکس و پرسیار و وه‌ڵام که‌له‌ئه‌رشیفی ماڵپه‌ڕه‌که‌دا بوونی هه‌یه‌، بگه‌ڕێن به‌دوای زانیاری سێکسیدا.

پرسیار: من كچێكی ده‌ستگیراندارم، ئایا ئه‌و هه‌ڵانه‌ چییه‌ كه‌ ئه‌گه‌ر ژن ئه‌نجامی بدات ده‌بێته‌وه‌ هۆی دووركه‌وتنه‌وه‌ی پیاو له‌په‌یوه‌ندییه‌ سێكسییه‌كانی له‌گه‌ڵ هاوسه‌ره‌كه‌ی؟

وه‌ڵام: دیاره‌ هۆكاره‌كان زۆرن به‌ڵام گرنگترینیان بریتین له‌:

1- گرنگی نه‌دانی ژن به‌پاكوخاوێنی جه‌سته‌ و پۆشاكی.

2- گرنگی نه‌دان به‌خۆڕازاندنه‌وه‌ له‌ژووری نووستندا و فه‌رامۆش كردنی كه‌شێكی له‌بار بۆ ئه‌نجامدانی پرۆسه‌ی سێكسیی.

3- ڕه‌چاونه‌كردنی توانا سێكسییه‌كانی پیاو و جۆری كار و پیشه‌ی پیاو.

4- باسكردنی كێشه‌ و گرفت و گله‌یی و گازنده‌كان له‌ژووری نووستن و پێش ئه‌نجامدانی پرۆسه‌ی سێكسیی.

پرسیار: من ژنێكم چه‌ند ڕۆژێكه‌ بۆ ده‌ركه‌وتووه‌ كه‌ دووگیانم، ئایا ئه‌نجامدانی پرۆسه‌ی سێكسیی له‌گه‌ڵ هاوسه‌ره‌كه‌م له‌ماوه‌ی دووگیانیدا زیانی نابێت بۆ دووگیانییه‌كه‌م؟

وه‌ڵام: له‌ سێ مانگی یه‌كه‌می دووگیانیدا ژنان دووچاری هه‌ندێ نیشانه‌ی وه‌ك ڕشانه‌وه‌ و ماندووبوون و گێژبوون ده‌بنه‌وه‌، هه‌روه‌ها له‌م ماوه‌یه‌دا ئاره‌زووی ژنی دووگیان بۆ خواردن كه‌م ده‌بێته‌وه‌، بۆیه‌ له‌ سێ مانگی یه‌كه‌می دووگیانیدا ئاره‌زووی سێكسیی ژنی دووگیان كه‌م ده‌بێته‌وه‌، ئه‌م ڕاستییه‌ش ده‌بێت له‌لایه‌ن هاوسه‌ره‌ پیاوه‌كانه‌وه‌ ڕه‌چاو بكرێت، به‌ڵام مانگه‌كانی چواره‌م و پێنجه‌م و شه‌شه‌م گونجاوترین سێ مانگن بۆ ئه‌نجامدانی پرۆسه‌ی سێكسیی بۆ ژنی دووگیان، سێ مانگی كۆتاییش هه‌ستیاره‌ و ده‌بێت پیاوان زۆر به‌وریاییه‌وه‌ مامه‌ڵه‌ی سێكسیی بكه‌ن له‌گه‌ڵ هاوسه‌ره‌ دووگیانه‌كانیادا، وه‌ده‌بێت له‌ سێكسی ڕووبه‌ڕوو خۆیان بپارێزن(واته‌ پیاو نابێت خۆی بدات به‌سه‌ر سكی هاوسه‌ره‌كه‌یدا)  بۆ ئه‌وه‌ی زیان هاوسه‌ر و كۆرپه‌له‌كه‌ی نه‌گات،‌ وه‌ده‌بێت له‌هه‌ردوو باری ته‌نیشت یان له‌دواوه‌ بۆ پێشه‌وه‌ پرۆسه‌كه‌ ئه‌نجام بدرێت. باشتریش وایه‌ له‌و ماوه‌یه‌دا ژنی دووگیان نه‌گاته‌ ئۆرگازم له‌به‌ر گرژبوونی ماسولكه‌كانی منداڵدانی.

پرسیار: من دووچاری خه‌مۆكێ بووم به‌ڵام هه‌ست ده‌كه‌م ئاره‌زووی سێكسیم زیادی كردووه‌، له‌كاتێدا بۆچوون وایه‌ ده‌بێت ئاره‌زووی سێكسیی له‌كاتی بوونی ئه‌و نه‌خۆشییه‌دا كه‌م بێته‌وه‌ یان نه‌مێنێت؟

وه‌ڵام: به‌ڕێز نه‌خۆشی خه‌مۆكێ چه‌ند پله‌یه‌ك یان چه‌ند جۆرێكی هه‌یه‌، له‌كاتی بوونی خه‌مۆكێی ساده‌ و خه‌مۆكێی مامناوه‌ند ئه‌وا ئه‌گه‌ری زیادبوونی ئاره‌زووی سێكسیی ده‌كرێت، به‌ڵام له‌كاتی بوونی خه‌مۆكیی تونددا ئه‌وا ئاره‌زووی سێكسیی كه‌م ده‌بێته‌وه‌ یان نامێنێت.

 

لەهاوپۆلی: ســــــــــــێكس, پرسیار و وه‌ڵام 4 بۆچوون »

4 وەڵام بۆ “پرسیار و وه‌ڵام سه‌باره‌ت به‌سێکس”

  1. aram | فەرموی:
    30-01, 2010 كاتژمێر 1:58 am

    بؤ ولامى بابةتةكةى منتان نةدايةوة بؤ باسيكتان لةسةر سيكسى
    خوشك و برا يان دايك و كور نة نوسى تكاية ولام بدةنةوة

  2. namo | فەرموی:
    04-02, 2010 كاتژمێر 1:50 pm

    aya abe lakaty 3adabuny afrat tatawawabe sexi lagal nakret?????????????

  3. rebin | فەرموی:
    06-02, 2010 كاتژمێر 12:09 am

    slaw am katatan bash are daspar zarari zora yan na

  4. هه‌نێ | فەرموی:
    06-02, 2010 كاتژمێر 11:54 pm

    به‌ڕێزان من پرسیارێكم لێ كردن سه‌باره‌ت به‌وه‌ی ئایا كاری ده‌ست گوناحه‌ ئه‌گه‌ر كچ ئه‌نجامی بدات؟ یان هه‌ربه‌گشتی ده‌سپه‌ڕ كارێكی گوناحه‌؟ زیانی چی یه‌؟ بۆچی وه‌ڵام تان نه‌دامه‌وه‌؟تكایه‌ وه‌ڵام

بۆچوونەکان


« | گەڕانەوە بۆ سەرەتا | »

Mallperrî Derunnasy portal by WordPress
سەرنوسەر و بەرپرسی ماڵپەڕ : سامان سیوەیلی
7206 363 770 00964
designe-by-germeser
Valid CSS! Valid XHTML 1.0 Transitional