نوێترین ١٠ بابەت

هاوپۆلەکان

ئەرشیف

گەڕان لەماڵپەڕ

چوونه‌ژووره‌وه‌




دواهەمین ١٠ بۆچوون

دراوسێکان

کێشه‌ی سۆزداری کێشه‌ی پله‌یه‌کی هه‌رزه‌کارانه‌ له‌کوردستان

كانونی دووه‌م 23, 2010

کێشه‌ی سۆزداری کێشه‌ی پله‌یه‌کی هه‌رزه‌کارانه‌ له‌کوردستان

توێژه‌ری ده‌روونی

سامان سیوه‌یلی

 

وه‌ک ئه‌رکێکی نه‌ته‌وه‌یی و زانستی و په‌روه‌رده‌یی خۆم و له‌سه‌ر داوای به‌ڕێوه‌به‌ر و مامۆستایان و توێژه‌ره‌ ده‌روونی و کۆمه‌ڵایه‌تییه‌ به‌ڕێزه‌کان، ماوه‌ی دوو ساڵه‌ ده‌یان سیمینارم بۆ قوتابخانه‌ و خوێندنگه‌ ناوه‌ندی و ئاماده‌ییه‌کانی ناوه‌وه‌ و ده‌ره‌وه‌ی شاری سلێمانی ئه‌نجامداوه‌ سه‌باره‌ت به‌هۆشیاری ده‌روونی و چۆنێتی مامه‌ڵه‌کردن له‌گه‌ڵ فشاره‌ ده‌روونییه‌کان و خراپ به‌کارهێنانی به‌رهه‌مه‌ ته‌کنۆلۆژییه‌کانی وه‌ک مۆبایل و ئینته‌رنێت و…تد، ڕه‌نگه‌ له‌کۆی گشت سیمیناره‌کاندا دوو یان سێ خوێندنگه‌ی کوڕانی تێدا بووه‌، ئه‌وانی تر خوێندگه‌ ناوه‌ندی و ئاماده‌ییه‌کانی کچان بوون. هه‌ڵبژاردنی ئه‌و دوو قۆناغه‌ش ده‌گه‌ڕێته‌وه‌ بۆ هه‌ستیاری ئه‌و دوو قۆناغه‌ له‌ته‌مه‌نی مرۆڤ که‌ده‌کرێت به‌ سه‌ره‌تا و ناوه‌ڕاستی قۆناغی هه‌رزه‌کاری ناوزه‌دیان بکه‌ین.

وه‌ک نه‌ریتێکی باو پاش ئه‌وه‌ی بابه‌ته‌که‌م پێشکه‌ش ده‌که‌م داوا له‌به‌شداران ده‌که‌م که‌ هه‌رپرسیارێک یان گرفتێکیان هه‌یه‌ پرسیار بکه‌ن یان باسی بکه‌ن تابتوانین هاوکاریان بین له‌ڕێنمایی کردن و چاره‌سه‌رکردنیدا، ته‌نانه‌ت ئه‌گه‌ر له‌به‌رچاوی ئاماده‌بووانیشدا نه‌توانێت ئه‌وا ئاماده‌یی خۆم ده‌ربڕیوه‌ که‌پاش ته‌واوبوونی سیمیناره‌که‌ ئاماده‌ی گوێ گرتنم، دیاره‌ ئه‌مه‌ش به‌له‌به‌رچاوگرتنی هه‌ستیاری قۆناغی ته‌مه‌نیان و له‌هه‌مان کاتیشدا هه‌ستیاری کێشه‌ و ژانکۆکانی ئه‌م قۆناغه‌یه‌ به‌تایبه‌تی که‌به‌ڕێوه‌به‌ر و مامۆستاکانیان ئاماده‌ی سیمیناره‌کان ده‌بن و به‌شدارن له‌گه‌ڵیاندا. خۆشبه‌ختانه‌ له‌هه‌ر سیمینارێکدا ڕووبه‌ڕووی ده‌یان پرسیار ده‌کرێینه‌وه، ئه‌و پرسیارانه‌ی به‌ئاشکرا ده‌یکه‌ن پرسیارگه‌لێکی گشتین له‌سه‌ر باری ده‌روونی و گرفته‌کانی خه‌و و که‌می ته‌رکیز و …تد‌، به‌ڵام پاش ته‌واوبوونی سیمینار ئه‌گه‌ر نه‌ڵێین هه‌موویان ئه‌وا زۆرینه‌یان دێنه‌ پێشه‌وه‌ و خوازیاری ئه‌وه‌ن به‌ته‌نها پرسیار یان گرفته‌کانیان بخه‌نه‌ ڕوو نه‌ک له‌به‌رچاوی هاوڕێ و مامۆستاکانیاندا. ئه‌وه‌ی مایه‌ی سه‌رسوڕمانه‌ زۆرینه‌ی هه‌ره‌زۆری هه‌رزه‌کاران کێشه‌یان هه‌یه‌ له‌ناو کێشه‌کانیشیاندا کێشه‌ی سۆزداری ڕێژه‌یه‌کی هێجگار به‌رز پێکده‌هێنێت، بوونی ئه‌م کێشه‌یه‌ به‌و قه‌باره‌یه‌ ئه‌و ڕاستییه‌ ده‌سه‌لمێنێت که‌ئاستی خوێندن له‌و دوو قۆناغه‌ی خوێندندا (ناوه‌ندی و ئاماده‌یی) نزمه‌، زۆربه‌ی ئه‌و قوتابی و خوێندکارانه‌ی کێشه‌ی سۆزداریان هه‌یه:‌ له‌وانه‌یه‌ک یان چه‌ند وانه‌یه‌ک که‌وتوون، گرفتیان له‌گه‌ڵ خێزانه‌کانیاندا هه‌یه‌، هه‌موو وزه‌کانیان بۆ لایه‌نه‌ سۆزدارییه‌کانیان خه‌رج ده‌که‌ن، له‌دڵه‌ڕاوکێیه‌کی به‌رده‌وامدا ده‌ژین، هه‌ندێکیان مۆبایل و سیم کارت و یه‌که‌ی قسه‌کردنیان له‌لایه‌ن ڕه‌گه‌زی به‌رامبه‌ره‌وه‌ بۆ کڕدراوه.

سه‌یره‌ قوتابیانی قۆناغی حه‌وته‌می بنه‌ڕه‌تی (یه‌که‌می ناوه‌ندی) که‌ته‌مه‌نیان ته‌نها سیانزه‌ ساڵه‌، باس له‌په‌یوه‌ندی سۆزداری و عه‌شق ده‌که‌ن و ده‌ڵێن به‌رامبه‌ره‌که‌مان ڕاستگۆیه‌ و بۆ ژیانی هاوسه‌رگیری ئه‌م ئه‌م په‌یوه‌ندیه‌مان به‌ستووه‌، باس له‌وه‌ده‌که‌ن که‌ناتوانن ده‌ستبه‌رداری خۆشه‌ویسته‌کانیان ببن، قوتابیانی قۆناغه‌کانی سه‌رووتر چیرۆکی سه‌یروسه‌مه‌ره‌تریان لایه‌، (تۆ بڵێی پڕوپاگه‌نده‌ی کۆتایی هاتنی دنیا له‌2012 دا ڕاست نه‌بێت؟).

زۆربه‌ی ڕۆژ له‌لایه‌ن توێژه‌ره‌ به‌ڕێزه‌کانی ئه‌م قوتابخانه‌ و ئه‌و خوێندنگه‌ی کچانه‌وه‌ په‌یوه‌ندیم پێوه‌ ده‌کرێت بۆ بوونی کێشه‌ی قورس و داوام لێده‌کرێت سه‌ردانی ئه‌و قوتابخانه‌ و خوێندنگانه‌ بکه‌م، چونکه‌ بۆچوونێک لای قوتابیان و خوێندکاران که‌ وا ده‌زانن توێژه‌رانی قوتابخانه‌کانی خۆیان کێشه‌کانیان ده‌گه‌یه‌ننه‌ کارگێڕی قوتابخانه‌ و به‌ڕێوه‌به‌ر و یاریده‌ده‌ر و مامۆستایانی لێ تێده‌گه‌یه‌نرێت، به‌م هۆیه‌وه‌ جۆرێک له‌گومانیان هه‌یه‌، به‌ڵام کاتێک به‌نده‌ وه‌ک میوان سه‌ردانیان ده‌که‌م متمانه‌ی ته‌واویان پێمه‌ و خه‌مه‌کانیان هه‌ڵده‌ڕێژن که‌هه‌مووی کێشه‌ی سۆزدارییه‌.

ئه‌م قوتابی و خوێندکارانه‌ وه‌ها دێنه‌ پێش چاو وه‌ک ئه‌وه‌ی تاسه‌ر ئێسقان تینوو و برسی سۆز و خۆشه‌ویستی بن، واده‌رده‌که‌ون که‌ له‌ناو خێزاکه‌نیاندا هه‌ست به‌نامۆبوون بکه‌ن.

هه‌وێنی هه‌موو ئه‌م کێشه‌ سۆزداریانه‌ی هه‌رزه‌کاران ئاوێته‌ی ئه‌و ئامێره‌ ته‌کنۆلۆژیه‌یه‌ که‌ناوی (مۆبایل)ه‌،

گشت ئه‌م ڕاستییانه‌ی ئاماژه‌مان پێدا ئه‌و ڕاستییانه‌‌ ده‌سه‌لمێنن که‌:

1- خێزانی کورد تائه‌ندازه‌یه‌کی زۆر ڕۆڵی ڕاسته‌قینه‌ی خۆی له‌ده‌ستداوه‌.

2- خێزانی کورد لایه‌نی سۆز و خۆشه‌ویستی به‌خشینی به‌هه‌ند وه‌رنه‌گرتووه‌ له‌پرۆسه‌ی په‌روه‌رده‌ و گۆشکردنی کۆمه‌ڵایه‌تی ئه‌ندامه‌کانیدا به‌تایبه‌تی له‌هه‌ردوو قۆناغی منداڵی و هه‌رزه‌کاری.

3- په‌یوه‌ندییه‌ کۆمه‌ڵایه‌تییه‌کانی ناو ئه‌ندامانی خێزان کاڵ بوونه‌ته‌وه‌ و له‌هه‌ندێ خێزاندا ده‌توانرێت بگوترێت که‌ نه‌ماوه‌.

4- خێزانی کورد که‌مته‌رخه‌مه‌ له‌چاودێری کردنی ڕۆڵه‌ هه‌رزه‌کاره‌کانیدا، هه‌ر له‌چاودێری کردنی که‌لوپه‌ل و ڕه‌فتار و په‌یوه‌ندییه‌ کۆمه‌ڵایه‌تییه‌کانی ده‌ره‌وه‌ی خێزانی هه‌تا چاودێری کردنی له‌ناو خوێندنگه‌ و ئاستی خوێندن و نمره‌کانی و گه‌ڕان به‌دوای هۆکار و چاره‌سه‌ردا. ‌  

 

لەهاوپۆلی: ده‌روونناسی هه‌رزه‌كاری 4 بۆچوون »

4 وەڵام بۆ “کێشه‌ی سۆزداری کێشه‌ی پله‌یه‌کی هه‌رزه‌کارانه‌ له‌کوردستان”

  1. سةركةت | فەرموی:
    25-01, 2010 كاتژمێر 5:46 pm

    دةستخوشبي كاك سامان بةراستي كؤمالكاي ئيمة بيوست بة بةريزةكي وةك تو زؤر هةية قسةكانت زؤر راستن خوم ماموستان قوتابيم هةية لة بؤلي حةوتة خةريكي ئةو شتانةن بةلةم من يةخةمة زياتر ئةيخةمة سةر وةزارةتي بةروةردة جونكة دةرجوون بؤ قوتابيةكان زؤر ئاسان كردووة ئةتوانم بليم وةزارةتي بةروةردة بيان ناخوشة قةتابي بخةيت بوية قوتابي ئاكاي لة وانةكاني خو نةماوة و ئةليت خو هةر دةرئةجم و بة خوشةويستي خوي خةريك ئةكات دةستخوشي لة بةريزت ئةكةم

  2. aswda karem | فەرموی:
    25-01, 2010 كاتژمێر 11:27 pm

    sllaw mamosta saman siwaily dastxoshet leakam bo am babata grnga baraste am masalaya bota keshayake gaura la kurdstan hewadarm qsae zyatr lasar bkan u lagal damudazga parwardaeeakan base bkan chwnka ray ewa bahand wardagrn

    aswda karem
    slemany

  3. srush | فەرموی:
    29-01, 2010 كاتژمێر 1:26 am

    دةست خؤشيت لى دةكةم بؤ باس كردنى ئةم بابةتة بةريز كاك سامان بوحى سةرت سور دةمينى ئةى خؤت كةنج نةبويت هةستى سؤز داريت نةبووة لاى تؤ كةر موبايل نةبواية ئةم كيشة قيزة ونة ى كؤمةلكايى ئيسلامى لى دةترسيت كة بى دةلين كيشةى خؤشةويستى بةريزم لاى ئيمة شةر وتاوان وتالان كردن كيشة نية بةلكو كيشةى سةرةكيمان تةنهاو تةنها بيا دة نةكردنى خؤشةويستية بةريزم هةرزةكا ربيت يان كةنج يابير نابيت خؤشةويستى بكات تةنها لة جوار جيوةى هاوسةركيرى دا نةبيت كة ياسايةكى سةد دةر سةد ئيسلاميانةية بةريزم تؤ زياتر لةدةورى تويكل دةسوريتةوة وةك لة ناوةرؤك دروست بوونى بةيوةندى بةزؤرى لة ريكايى مؤبايلةوةية دةبيت ستايشى بكةين نةك تانةى لى بدةين جونكة كور وكج كةبونة هةرزةكار لة يةكتريان دةدةبرن وة بةهموو خؤيان دةبن بة جاوديرى خؤيان ياساكانى كلتور سالارى جىبةجى دةكةن كةس ناتوانيت رى لة غةريزةى هاورييةتى يا سؤزدارى بكريت قوربانيةكان كةم نين بةلاى منةوة كاك سامان دةبيت ئةم بةنداوى ريكرية لة دروست بوونى هةر بةيوةنديةكى سؤز دارى وهاوريةتى بتةقيت وهةر بير وبؤجونيكى دؤكمايانة هةيةو وزيان دةدات لة كجان وكورانى كؤمةلكاكةمان رايماليت كؤرة كانى كاك سامان دةبيت وابكات سةرنجى كؤمةل بؤ هاورىيةتى كجان وكوران يا سؤزداريان ئاسايى بيت نةك وةك مةلايةك قسة بكات لة كةل ئةو بةرى ريزمدا بؤت ئةكينا هةموو شوينيك مةلاى لية تؤ بيويست ناكات خؤت هيلاك بكةيت يا جاريكى تر ببينةوة بةو باوكانةى كةزولميان لة ئيمة كردو ئيمةش بة نائاكايىو بة ناراستةو خؤ دريزة بيدةرى ريكاى ئةوان بين بةريزةكةم كةر وةكو باوبابيرانمان بير بكةينةوة دلنيابة لةوان جاتر نابين كيشةى خويندن قولتر كيشةى كج وزن كوشتن قولتر دةبيت تكاية ئةم جارةش بةجاويكى وورتر بينانةوة لة كورو كجةكانمان بنوارة جاكتر دةست بخةرة سةر برينة قولةكة كة ئةويش كلتورى دوكمايى دينة كة كورو كجى ئةم ولاتةى كردؤتة خؤراكىئاشةكةىو هةزاران سالة دةمان هاريت

  4. مةريوان حةسةن لةسةيدسادق | فەرموی:
    04-02, 2010 كاتژمێر 12:00 pm

    دةستخؤشيت ليدةكةم كاك سامان لةهةولَةكانت لةثيناوى هؤشياري دةرونيدا لةنزيكةوة ئاطاداري كارةكانتم هيواى تةمةن دريذيت بؤدةخوازم.:سةبارةت بةم بابةتةش بةرِاستى ئةوة رِؤلَي تويًَذةرةكان ئةبيتة لةبةرضاة بطيريت ئةوةش ئةركى وةزارةتى ثةروةردةية كة خولي راهينان و شياندنى دةروونيان بؤبكاتةوة تا باشتر بتوانن رِؤلَي ضارةسازيكى دةروونى و كؤمةلايةتى ببينن لة قوتابخانةكاندا بةتايبةعت ئةو قوتابخانانةى كة قوتابيانيان لةتةمةني هةرزةكاريدان……………………..سةركةوتوو بيت

بۆچوونەکان


« | گەڕانەوە بۆ سەرەتا | »

Mallperrî Derunnasy portal by WordPress
سەرنوسەر و بەرپرسی ماڵپەڕ : سامان سیوەیلی
7206 363 770 00964
designe-by-germeser
Valid CSS! Valid XHTML 1.0 Transitional