ڕۆڵی فاکته‌ره‌ ده‌روونییه‌کان له‌لاوازکردنی ڕه‌پبوونی چوکی پیاواندا – ده‌روونناس: سامان سیوه‌یلی

ڕۆڵی فاکته‌ره‌ ده‌روونییه‌کان له‌لاوازکردنی ڕه‌پ بوونی چووکی پیاواندا
ده‌روونناس
سامان سیوه‌یلی

نامه‌وێت لێره‌دا باس له‌و حاڵه‌ته‌ بکه‌م که‌ ڕه‌پ بوونی چووکی پیاو به‌په‌ککه‌وته‌یی ده‌گات ، واته‌ ڕه‌پ بوون ڕوونادات و چووک فه‌رمانه‌کانی خۆی به‌جێ ناگه‌یه‌نێت له‌پرۆسه‌ی جووتبوونی سێکسیدا . به‌ڵکو ده‌مه‌وێت باس له‌و حاڵه‌ته‌ بکه‌م که‌ ڕه‌پ بوون ڕووده‌دات به‌ڵام ڕه‌پ بوونێکی ته‌واو نیه‌ واته‌ لاوازی له‌ ڕه‌پ بووندا ، ئه‌م حاڵه‌ته‌ لای زۆرێک له‌وانه‌ی له‌گه‌ڵیاندایه‌ ده‌بێته‌ مایه‌ی دڵه‌ڕاوکێ و دروستبوونی هه‌ندێ بیروڕای هه‌ڵه‌ له‌سه‌ر ئه‌م ڕه‌وشه‌ که‌دواجار کاردانه‌وه‌ی خراپی ده‌بێت له‌سه‌ر بڕیار و بیرکردنه‌وه‌یان به‌رامبه‌ر سێکس و هاوسه‌ر و پرۆسه‌ی هاوسه‌رگیری ، ته‌نانه‌ت جاری واهه‌یه‌ ئه‌و که‌سانه‌ی لاوازی ڕه‌پ بوونیان هه‌یه‌ به‌هۆی بیروباوه‌ڕی هه‌ڵه‌وه‌ دوور ده‌که‌ونه‌وه‌ له‌ کاری سێکسی و تووشی ساردی سێکسی ده‌بن له‌گه‌ڵ تێپه‌ڕبوونی کاتدا ، هه‌ندێکی تر له‌م که‌سانه‌ وا تێگه‌یشتوون که‌ ئه‌نجامدانی سێکس پێویستی به‌ چوکێکی ئاسنین هه‌یه‌ واته‌ ده‌بێت ڕه‌پ بوون له‌وپه‌ڕی به‌هێزی و توندیدا بێت بۆ ئه‌وه‌ی بتوانێت چێژ ببه‌خشێته‌ هاوسه‌ره‌که‌ی ، ئه‌مه‌ش دووباره‌ بیروڕایه‌کی هه‌ڵه‌یه‌ .
هۆکاره‌کانی لاوازی ڕه‌پ بوون کامانه‌ن ؟
1- ته‌سکی یان که‌می ژماره‌ی مولووله‌ خوێنینه‌کان له ‌چووکدا که‌ده‌بێته‌ هۆی که‌می هاتنی خوێن بۆ ناو ئه‌و مولوولانه‌ .
2- خه‌فه‌ت و جه‌نجاڵ بوونی بیر و مێشک به‌و کێشه‌ و ته‌نگژانه‌ی تووشیان ده‌بین له‌ژیانی ڕۆژانه‌ماندا ، ئه‌م باره‌ ده‌روونیانه‌ ده‌بنه‌ به‌ربه‌ست له‌تێپه‌ڕبوونی خوێن به‌ مولووله‌کانی خوێن له‌ چووکدا چونکه‌ هه‌ر کاتێک مێشک سه‌رقاڵ بوو به‌بیرکردنه‌وه‌ و لێکدانه‌وه‌وه‌ ئه‌وا پێویستی به‌خوێنی زیاتر هه‌یه‌ به‌م هۆیه‌وه‌ له‌م کاتانه‌دا خوێنێکی زۆر ڕووده‌کاته‌ مێشک ئه‌مه‌ش ده‌بێته‌ هۆی که‌مبوونه‌وه‌ی چوونی خوێن بۆ چووک و لاوازکردنی ڕه‌پ بوون .
که‌واته‌ ته‌نگژه‌ ده‌روونیه‌کان و جه‌نجاڵ بوونی مێشک وه‌ک فاکته‌رێک ڕۆڵێکی گه‌وره‌ ده‌گێڕێت له‌لاوازکردنی ڕه‌پ بوون . هه‌روه‌ک چۆن گه‌ده‌ دوای خواردنی ژه‌مه‌ خواردن به‌شێکی زۆر له‌خوێن بۆ خۆی کێش ده‌کات بۆیه‌ کارێکی هه‌ڵه‌یه‌ که‌ پاش نان خواردن کتوپڕ سێکس ئه‌نجام بدرێت چونکه‌ له‌م حاڵه‌ته‌دا خوێنی ته‌واو ناگاته‌ مولووله‌کانی چووک و ڕه‌پ بوون لاواز ده‌بێت ، هه‌ربۆیه‌ باشتر وایه‌ کاتی نێوان خواردنی ژه‌مه‌ خواردن و کاری سێکسی لانی که‌م دوو کاژێر بێت . به‌هه‌مان شێوه‌ش کارێکی هه‌ڵه‌یه‌ که‌ جه‌نجاڵی و بیرکردنه‌وه‌ی خراپ و لێکدانه‌وه‌ی کێشه‌کان ببرێنه‌ ناو جێگه‌ی نووستنه‌وه‌ که‌ بێگومان لاوازی ڕه‌پ بوونی لێده‌که‌وێته‌وه‌ .
لاوازی ڕه‌پ بوون ڕێگه‌ له‌ئه‌نجامدانی پرۆسه‌ی جووت بوون ناگرێت وه‌ک که‌سانێک بیری لێده‌که‌نه‌وه‌ و کردوویانه‌ به‌خه‌می خۆیان به‌ڵکو ڕه‌پ بوونی چووک ئه‌گه‌رچی لاوازیش بێت به‌ڵام توانای چوونه‌ ناو زێی ئافره‌تی هه‌بێت به‌سه‌ بۆ ئه‌نجامدانی پرۆسه‌ی جووت بوون به‌مه‌رجێک سۆز و خۆشه‌ویستی پێویست باڵ بکێشێت به‌سه‌ر پرۆسه‌که‌دا و وروژاندنی ته‌واو و هه‌ستێکی سێکسییانه‌ی ئاڵوگۆڕ له‌هه‌ردوولایه‌نی پرۆسه‌که‌وه‌ ئه‌نجام بدرێت .
ئه‌ی که‌واته‌ له‌م ژیانه‌ پڕ جه‌نجاڵی و ته‌نگژه‌یه‌دا چی بکرێت باشه‌ له‌م بواره‌دا ؟ باشتر وایه‌ بۆ دوورکه‌وتنه‌وه‌ له‌م کێشه‌یه‌ و ئه‌نجامدانی سێکسێکی دروست و چێژ به‌خش و بێ گرفت :
1- ‌ مێشکمان ئارام بکه‌یه‌نه‌وه‌ له‌ڕێگه‌ی وه‌رزش و مه‌له‌وانی و یۆگاوه‌ .
2- کێشه‌ و خه‌مه‌کانمان پێش نووستن له‌گه‌ڵ خۆماندا باس بکه‌ین یان له‌سه‌ر کاغه‌زێک بیاننووسین ، یان له‌گه‌ڵ هاوسه‌ردا چه‌ند کاژێرێک پێشتر باسیان بکه‌ین بۆئه‌وه‌ی له‌کۆڵ خۆمانیان بکه‌ینه‌وه‌ و به‌و کۆڵه‌وه‌ نه‌چینه‌ ناو جێگه‌ی نووستنه‌وه‌ . باس نه‌کردنی هه‌ر کێشه‌یه‌ک له‌ناو جێگه‌ی نووستندا که‌ جه‌نجاڵی مێشک و بیرکردنه‌وه‌ی خراپ به‌دوای خۆیدا ده‌هێنێت .
3- خۆئاماده‌کردن بۆ جووت بوون به‌ر له‌ده‌ستپێکردنی پرۆسه‌که‌ ئه‌مه‌ش له‌ڕێگه‌ی گۆڕینه‌وه‌ی ووته‌ی شیرین و سۆز به‌خش له‌هه‌ردوو لایه‌نه‌وه‌ .
4- په‌له‌ نه‌کردن له‌جووت بووندا و ورووژانی ته‌واوی هه‌ردوو لایه‌ن .
5- هاوکاریکردنی ئافره‌ت بۆ مێرده‌که‌ی له‌ڕێگه‌ی پاک و خاوێنی ڕاگرتنی جه‌سته‌ و ژووری نووستن و گرنگی دان به‌ ڕوخسار و جلوبه‌رگی نووستن .

تشرینی دووه‌م 1, 2011

سێکسیی کۆم – د. ئه‌فرام محه‌مه‌د حه‌سه‌ن – پسپۆری نه‌خۆشییه‌ ده‌روونییه‌کان

سێکسیی کۆم
د-ئەفرام محمد حسن
پسپۆری نه‌خۆشیه‌ ده‌روونییه‌کان

مەبەستمان لەم زاراوەیە جووت بوونی نێرو مێیە بەجۆرێک لە کاتی جووت بوندا کۆمی مێیە دەکرێتە بەشێک لە کاری سێکی هەرچەندە ئەم کارە لەنێوان نێرو نێریشسدا دەکرێ(لە سەربازگە و بەندیخانەکاندا کە نێر ونێر بۆ ماوەیەکی زۆر پێکەوە دەمێننەوە ئەگەری روودانی ئەم کارە زۆرە) و مێژووی ئەم کارە زۆر کۆنە و بەلگەنامە مێژوویییەکان لەزیاتر لە سەرچاوەیەکدا باسی دەکەن.. بەڵام لەم چەند ساڵەی دوایدا بەهۆی کاریگەری هۆکانی راگەیاندن و نیشان دانی ئەم کارە لە کەنالەکانەوە و باسی کردن لەو چێژەی لەم کارە دەست دەکەوێت ، وای کردووە رێژەی مومارەسەکردنی ئەم کارە لەنێوان خێزانەکاندا زیاتر بێت لەجاران هەندێ مێینە بەتەواوی ئەم کارە رەت دەکاتەوەو کێشەی گەورەی خێزانی لێدەکەوێتەوە هەندێ جار دەگاتە ئاستی لێک جیابوونەوە و هەرەشەکردنی نێرینە بەوەی ژنی دووم دێنێ گەر لە کۆم تێر نەکرێ !!. هەندێکی تر لەبەردەم فشاری مێردەکەیدا خۆناگرێ وناچارە بەرازی بوون بەڵام ئەمە مانای ئەوە نییە مێینە هەرگیز حەز بەم کارە ناکات بەلکو هەندێ جار مێینە چێژێکی تایبەت لەم کارە وەردەگرێ . وەکووتمان ئەم کارە لەنێوان نێر ونێریشدا دەکرێ کە دەشێ تاکی پاسڤ واتە تاکی ژێرەوە هەست بە خۆشی بکات هەندێ جار خۆی بەشوێن خەلکیدا بگەرێ بۆ ئەوەی کاری جووت بوونی لەگەلدا ئەنجام بدەن نممونەی ئەو جۆرە کەسانەش کەم نییە و لەکۆمەلگەی خۆنماندا لەو کەسانە هەیە و زۆر جار ئەو پەیوەندیەیان ناشارنەوە. لەلایەکی ترەوە هەندێ جار مێینە بەوە ئبستغلال دەکرێ (رەبەن- عازەب) بەناوی بانگەشەی ئەوەی ئەم کارە هیچ زیانی نییە و لەهەمان کاتدا نێرینە حەزی خۆی تێر دەکات لە ژێر دروشمی ( تا تەسک بێت خۆشترە) کاری سوار بوونی خۆی ئەنجام دەدات!!.
ئایا کارى سێکسى لەکۆمەوە زیانى هەیە ؟
کاری سێکسی تەنها بریتی نییە لەوەی چەند ئەندامێکی نێرینەو مێینە پێکەوە جووت ببن و هەردوولا هەست بە چێژێکی کاتی بکەن(یان تەنها یەکێکیان) و بەڵکو بەیەک گەیشتنی روحی نێوان دوو تاکە کەهەموو هەست وسۆزێک تێکەڵی یەکتر دەکەن هەر لەباوەش کردن بەیەکدا تاکو ماچ کردن و…. بەلام لەم شێوازی کاری سێکسیەدا کە هەردوو تاک دەرواننە هەمان ئاراستە مێینە پشتی دەکاتە نێرینە زیاتر لە شێوازی جووت بوونی ئاژەلان دەچێ (لەگەل رێزم بۆیان ) ، بگرە لەوەش خراپترە چونکە لەباری ئاژەڵدا هەردوو مەبەستی سێکس دەپێکێ واتە ئەم کارە هەم چێژ وەرگرتنە هەم زۆربوون، بەلام لەباری مرۆڤ دا تەنها چێژ وەرگرتنە کە زۆر جار مێینە هەست بە هیچ چێژێک ناکات بەهۆی ئەو ئازارە زۆرەی لەکاتی جووت بونەکەدا تووشی دەبێت ڕەنگە تەنها بۆ راگرتنی دڵی کەسی بەرامبەر ئەم کارە بکات کە هیچ کاتێ سێکسی دروست یەک لایەنە نییە و نابێ خۆشی و چێژی سیکس تەنها یەک کەس بیچێژێت وتاکی بەرامبەر ببێتە قوربانی حەزەکانی ئەو ئەنجام بدات بۆیە پەنا دەباتە بەر ئەم رێگەیە چونکە کاری جووت بوون لەکۆئەندامى هەرسى مرۆڤدا جۆرە بەکتریایەک هەیە کەپآى دەڵێن بەکتریاى سوود بەخش کە ئەویش
.یە (E.cola)
دەشێ بەهۆی کاری سێکسیەوە ئەم بەکتریایە لە کۆئەندامی هەرسەوە بگوێزرێتەوە بۆ کۆئەندامی میزومیزەرۆی نێر ینەو تووشی هەوکردنی بکات و لەهەمان کاتدا دەشێ مێینە لەرێی نێرینەوە تووشی هەمان نەخۆشی بێت بەهۆی ئەوەی پاش ماوەیەک کرداری جووت بوون لە پێشەوە ئەنجام دەدەن .
لەسەرەتاى کارەکەدا دەبێتە هۆی ئازارێکی زۆر بەهۆی نەبوونی دەردراو (شلە) لە ناوچەی کۆمدا بۆیە بۆیە زۆر جار گەر نەلێم هەمیشە ناچار دەبن جیل یا هەرشلەیەکی تر بەکار بێنن بۆ رەخساندنی بارێکی وا کە بتوانن کارەکەیان ئەنجام بدەن ، هەندێ جار دەبێتە هۆی بریندار بوون و خوێن لێهاتنى ئەو ناوچەیە کە دەشآ بەکتریا هێرشى بۆ بەرێت و ببێتە هۆی هەوکردنی ئەو ناوچەیە، سەرەرای زیانى راستەوخۆى بۆ دەرچەى کۆم کەدەبێتە هۆى پچرانى ماسولکەکانى دەرچەى کۆم و پاش ماوەیەک لە دووبارە کردنەوەی ئەم کارە شێوەى کۆم گۆڕانى بەسەردا دێت و بەشێوەى رەحەتى لێ دێت کەبەشە کراوەکەى بۆ دەرەوە بێت. هەندآ جار وا لەو کەسە دەکات کە نەتوانێ زاڵ بێت بەسەر پیسایى کردندا .بەهۆی پچرانی ماسولکەکانی دەرچەی دەرەوەی کۆم..
هەندێ جار تاک بیانوی جیاجیا دێنێتەوە بۆ کردنی ئەم کارە یەکێ لەو بیانووانە ئەوەیە کە لەکاتی سوری مانگانەدا ناتوانێ کاری سێکسی لەگەل هاوسەرەکەیدا لەو ماوەیەدا نەشیاوە لەگەل مێینەدا تەنها وەلام بۆ ئەو تاکە ئەوەیە کێ ووتوویەتی کاری جووت بوون لە پشتەوە گونجاوە چ لەو کاتەدا یان لە هەر کاتێکی تردا؟!
لەهەندێ باری تردا مێر منداڵ وهەرزەکار لەلایەن کەسانی بەتەمەن ترەوە ئەم کارەیان لەگەلدا ئەکرێ زۆر جار لەژێر فشاری جیا جیادا تاکو تاک بەم کارە رازی بێت تاوێک بە پاداشت تاوێکی تر بەهەرەشە واقیعی کۆمەلگە و دۆسیەکانی دادگا باشترین شایەتحالی ئەم ووتانەن .
ئایا ئەم کارە بەلادان دادەنرێت یان نا؟ لەڕاستیدا وەڵامی ئەم پرسیارە زیاتر لە ئەگەرێک هەلدەگرێ گەر مەبەست پەیوەندی نێوان نێرونێر بێت لە سەربازگە وبەندیخانەکاندا لەکاتێکدا تاک هیچ دەروازەیەکی تری نییە ئەوە بەلادان دانانرێت( لای هەندێ هیچ پاساوێک نییە بۆ ئەوە لادان لادانە) وبەلام بۆ تاکێک کە خاوەن خێزان بێت هەرچەندە هەندێ پۆلین کاری بە لادانی دانانێت بەلام ناتوانرێت لەرێزی باری ئاساییدا پۆلین بکرێت ، سەبارەت بەوەی لەنێوان نێر ومێدا روودەدات گەر هیچ شتێکی لەسەر نەوترێت هێندە بەسە کە رەنگە دەروازەیەک بێت بۆ لادانێکی گەورە تر !!

تشرینی دووه‌م 1, 2011

سێکس و نه‌خۆشییه‌کانی دڵ – د. دارا حه‌مه‌ سه‌عید چناره‌: پسپۆری هه‌ناو و دڵ

سێکس و نه‌خۆشییه‌کانی دڵ
د. دارا عه‌بدوڵا حه‌مه‌سه‌عید چناره‌
پسپۆری هه‌ناو و دڵ

له‌هه‌ندێ حاڵه‌تدا ئاگاداری نه‌خۆشه‌کانی دڵ ده‌که‌ینه‌وه‌ له‌ کرداری سێکسیدا ، چونکه‌ سێکس قورساییه‌ک له‌سه‌ر دڵ دروست ده‌کات و ده‌بێته‌ هۆیه‌ک بۆ په‌ککه‌وتن و بێهێز بوونی دڵ . له‌و حاڵه‌تانه‌ش وه‌ک سستی دڵ به‌هۆکاری ڕۆماتیزمی دڵ یان جه‌ڵته‌ی دڵ که‌ده‌بێته‌ هۆی مردنی به‌شێک له‌ماسولکه‌کانی دڵ .
له‌جۆره‌کانی سستی دڵدا کرداری سێکسی ماندووبوونێکی تر ده‌خاته‌ سه‌ر دڵ ، به‌هۆی کرداری جووتبوونه‌وه‌ لێدانی دڵ زۆر زیاد ده‌کات و پاڵه‌په‌ستۆی خوێن زۆر به‌رز ده‌بێته‌وه‌ بۆ زیاتر له‌ ( 110- 180 ملم/ جیوه‌ ) ، به‌م هۆیه‌وه‌ له‌کاتی چه‌ند باره‌کردنه‌وه‌ی کرداری جووتبوونی سێکسیدا دڵ توانای ناردنی خوێنی نامێنێ و په‌کی ده‌که‌وێت و سست ده‌بێت هه‌روه‌ها له‌حاڵه‌تی ته‌سک بوونه‌وه‌ی خوێنبه‌ره‌کانی دڵدا .
به‌ ئه‌نجامدانی پرۆسه‌ی سێکسی سنگه‌ کوژه‌ ( الذبحة الصدریة ) زیاد ده‌کات و فشاری خوێن به‌رز ده‌بێته‌وه‌ ماندووبوونێک له‌سه‌ر دڵ زیاد ده‌کات .
پێویسته‌ له‌سه‌ر ئه‌و که‌سانه‌ی سنگه‌ کوژه‌ و سستی دڵیان هه‌یه‌ ئامۆژگاری ته‌واو له‌پزیشک وه‌ربگرن ده‌رباره‌ی سێکس تاوه‌کو تووشی مه‌ترسی زیاتر نه‌بن له‌سه‌ر ژیانیان ، وه‌پێویسته‌ له‌سه‌ر ئه‌م که‌سانه‌ له‌کاتی ئه‌نجامدانی سێکسدا زۆر نه‌مێننه‌وه‌ و خۆیان ماندوو نه‌که‌ن و زیاد ڕه‌وی نه‌که‌ن له‌ سێکس کردندا ، هه‌روه‌ها ده‌رمانی پێویست به‌نه‌خۆشییه‌کانیان به‌کار بهێنن له‌پێش جووتبوون و دوای کرداره‌که‌شدا .
جگه‌ له‌وه‌ی به‌شێکی زۆری ئه‌وانه‌ی که‌تووشی نه‌خۆشی جه‌ڵته‌ی ده‌ڵ ده‌بن ئاره‌زووی سێکسییان به‌ڕاده‌یه‌کی زۆر که‌م ده‌بێته‌وه‌ به‌ڵام هه‌ندێکیان پاش چاکبوونه‌وه‌یان له‌ جه‌ڵته‌که‌ له‌ماوه‌ی 3 مانگ تا 4 ساڵ بڕێک له‌ئاره‌زووه‌که‌یان بۆ ده‌گه‌ڕێته‌وه‌ به‌ڵام نه‌ک وه‌ک جاران .
هه‌ندێ جار به‌هۆی حاڵه‌ته‌ ده‌روونییه‌کانی دوای نه‌خۆشییه‌کانی دڵ وه‌ک ترس له‌دووباره‌بوونه‌وه‌ی نه‌خۆشییه‌که‌ یان ترس له‌ گه‌ڕانه‌وه‌ی نیشانه‌کانی وه‌ک ئازاری سنگ و ته‌نگه‌ نه‌فه‌سی و به‌رزبوونه‌وه‌ی فشاری خوێن مرۆڤه‌که‌ دوور ده‌که‌وێته‌وه‌ له‌کرداری سێکسی یان به‌هۆی کاریگه‌ری لاوه‌کی ده‌رمانه‌کانی نه‌خۆشی دڵه‌وه‌ ئاره‌زووی سێکسییان لاواز ده‌بێت یان تووشی ڕه‌پ نه‌بوونی ئه‌ندامی نێرینه‌ ( چووک ) ده‌بن .
پێویسته‌ له‌سه‌ر ئه‌م جۆره‌ نه‌خۆشانه‌ که‌په‌یڕه‌وی ئامۆژگارییه‌کانی پزیشکه‌کانیان بکه‌ن به‌چاره‌سه‌رکردنی هه‌موو ته‌نگژه‌ ده‌روونییه‌کانیان و دوور که‌وتنه‌وه‌ له‌ دڵه‌ڕاوکێ و ترس و ترسی نه‌خۆشه‌که‌ له‌دووباره‌بوونه‌وه‌ی ، ئه‌مه‌ش له‌ڕێگه‌ی وه‌رزش کردن و دوورکه‌وتنه‌وه‌ له‌جگه‌ره‌ کێشان و مه‌ی خواردنه‌وه‌ و په‌یڕه‌وکردنی سستمی خواردنی گونجاو و په‌یڕه‌وکردنی ده‌رمان خواردن به‌ڕێک و پێکی و ئامۆژگاری وه‌رگرتن ده‌رباره‌ی سێکس و ده‌رئه‌نجامه‌کانی و کاتی سێکس و شێوه‌ی گونجاوی سێکس کردن له‌گه‌ڵ حاڵه‌ته‌کاندا .

تشرینی دووه‌م 1, 2011

هێزی سێکسیی و پیاوسالاری – ده‌روونناس: سامان سیوه‌یلی

هێزی سێکسیی و پیاوسالاری
ده‌روونناس
سامان سیوه‌یلی

په‌یوه‌ندی سێکسیی نێوان هاوسه‌ران له‌کۆمه‌ڵگه‌ی کوردیدا هاوشێوه‌ی گشت په‌یوه‌ندی و بواره‌کانی تری کۆمه‌ڵگه‌ که‌وتۆته‌ ژێر کاریگه‌ری پیاوسالارییه‌وه‌. زۆرینه‌ی ژنانی کورد له‌ژیانی هاوسه‌ریدا هه‌تا ئه‌م ساته‌ وه‌خته‌ش ئازاد نین له‌ده‌ربڕینی حه‌ز و خواسته‌کانیان سه‌باره‌ت به‌په‌یوه‌ندییه‌ سێکسییه‌کانیان له‌گه‌ڵ هاوسه‌ره‌کانیاندا. کاته‌کانی ئه‌نجامدانی سێکس و که‌ڕه‌تی ئه‌نجامدانی پرۆسه‌که‌ و ماوه‌ی خایاندنی پرۆسه‌که‌ و ئه‌و بارانه‌ی بۆ ئه‌نجامدانی پرۆسه‌ی جووتبوون وه‌رده‌گیرێن، تێکڕا ده‌که‌ونه‌ بازنه‌ی ده‌سه‌ڵاتی پیاو و ژنیش وه‌ک لایه‌نی جێبه‌جێکار ڕۆڵ ده‌بینێت.
ئه‌گه‌ر ژن له‌ژیانی هاوسه‌رییدا دووچاری جۆرێک له‌ساردی سێکسیی یان هه‌ر گرفتێکی سێکسیی ببێت ئه‌وا پیاو ئه‌م حاڵه‌ته‌ وه‌ک چه‌کێک دژی ژنه‌که‌ به‌کارده‌هێنێت و هه‌میشه‌ سکاڵا و پرته‌ و بۆڵه‌ی دێت به‌نهێنی و ئاشکرا، جاری واهه‌یه‌ ده‌گاته‌ ئاستی هه‌ڕه‌شه‌ کردن به‌ته‌ڵاقدان و جیابوونه‌وه‌ یان هێنانی ژنی دووه‌م، جاری واش هه‌یه‌ ئه‌م هه‌ڕه‌شانه‌ به‌کردار جێبه‌جێ ده‌کرێت. به‌ڵام ئه‌گه‌ر که‌مته‌رخه‌می یان بێهێزی یان په‌ککه‌وته‌یی سێکسیی له‌لایه‌نی پیاوه‌که‌وه‌ بوو ئه‌وا ژن ده‌بێت قوڕوقه‌پ بکات و به‌رگه‌ی ژانکۆکان بگرێت له‌به‌رخاتری شکۆمه‌ندی پیاوه‌که‌ی. ته‌نانه‌ت کاریگه‌ری پیاوسالاری به‌ئه‌ندازه‌یه‌که‌ که‌پیاو ‌پێی نه‌نگییه‌ دان به‌بوونی بێهێزی سێکسیی خۆیدا بنێت یان سه‌ردانی پسپۆرێکی ده‌روونی بکات و به‌دوای چاره‌سه‌ردا بگه‌ڕێت. پرسیار ئه‌وه‌یه‌ ئایا پیاو له‌م باره‌دا ئه‌و مافه‌ بۆ ژنه‌ هاوسه‌ره‌که‌ی ده‌سه‌لمێنێت که‌ نه‌ک داوای جیابوونه‌وه‌ بکات به‌ڵکو ته‌نها سکاڵا ده‌رببڕێت یان پرته‌و بۆڵه‌یه‌ک بکات؟.
ئاشکرایه‌ سێکس به‌هایه‌کی به‌رز و به‌رده‌وام زیندووی هه‌یه‌ بۆ ژیانی هاوسه‌ریی، فه‌رامۆشکردنی ئه‌م به‌هایه‌ چه‌ندین گرفتی لێده‌که‌وێته‌وه‌ هه‌ر له‌ئاژاوه‌ی خێزانی و تۆراندنی ڕۆح و تووشبوون به‌نه‌خۆشی ده‌روونی تا ده‌گاته‌ ناپاکیی هاوسه‌ری و هه‌ڵوه‌شاندنه‌وه‌ی خێزان. پێشێل کردنی مافی ژن له‌په‌یوه‌ندییه‌ سێکسییه‌کانی نێوان هاوسه‌راندا له‌ژێر په‌رده‌ی پیاوسالاریدا ده‌چێته‌ خانه‌ی توندوتیژی ده‌روونیی و جه‌سته‌ییه‌وه‌. بۆیه‌ ده‌بێت هاوسه‌ران له‌ژێر بیانووی عه‌یبه‌دا کێشه‌ سێکسییه‌کانیان به‌تایبه‌تی لاوازی سێکسیی نه‌شارنه‌وه‌ و به‌ده‌م چاره‌سه‌ری ئه‌م حاڵه‌تانه‌وه‌ بڕۆن، جا هۆکاره‌کان ده‌روونی بن یان جه‌سته‌یی، چونکه‌ لاوازی سێکسیش چاره‌سه‌ری خۆی هه‌یه‌.
ئه‌گه‌ر پیاوسالاری له‌پارله‌مان و حکومه‌ت و حیزب و داموده‌زگا جۆراوجۆره‌کاندا به‌جۆرێک له‌جۆره‌کان شه‌رعییه‌تی درابێتێ، ئه‌وا نابێت له‌سه‌ر جێگه‌ی نووستنی نێوان هاوسه‌ران به‌هیچ جۆرێک پیاده‌ بکرێت و بکرێته‌ چه‌کێک بۆ ئه‌شکه‌نجه‌دانی ده‌روونی و جه‌سته‌یی ڕه‌گه‌زی به‌رامبه‌ر.
هه‌ندێ جار ژن هیج ناته‌واوییه‌کی نییه‌ له‌ڕووی توانا سێکسییه‌کانه‌وه‌ به‌ڵام ڕه‌فتاری پیاوسالارانه‌ی پیاو له‌پرۆسه‌ی سێکسییدا به‌تێپه‌ڕبوونی کات دووچاری ساردی سێکسیی ده‌کات، پاشتریش له‌سه‌ر ناته‌واوییه‌ک که‌خودی ژنه‌که‌ لێی به‌رپرس نییه‌ سه‌رزه‌نشت ده‌کرێت و ده‌خرێته‌ هه‌ڵوێستی وه‌هاوه‌ که‌(باج)ی گه‌وره‌ بدات.

تشرینی دووه‌م 1, 2011

چه‌پاندنی سێکسیی و ئاسه‌واره‌کانی – که‌ژاڵ ئیسماعیل – هۆڵه‌ندا

چه‌پاندنی سێکسیی و ئاسه‌واره‌كانی
كه‌ژاڵ ئیسماعیل
هۆڵه‌ندا

ووشكه‌باوه‌ڕی و نه‌رێتپارێزی له‌كۆمه‌ڵگه نائازادو كۆنخوازه‌كاندا كۆمه‌ڵگه‌لێك ئاسه‌واری وێرانكه‌رو ڕوخێنه‌ری له‌سه‌ر كۆمه‌ڵگه‌ به‌گشتی وتاك به‌تایبه‌ت جێهێشتووه كه سه‌دان ساڵی رابوردو به‌ئێستاشه‌وه وه‌ك حاڵه‌تێكی چه‌سپاوناگۆڕێت ، ئه‌وه‌تانێ له‌نێو گۆمه‌ڵگه‌ نائازادو ئایینیه‌كاندا به‌گشتی عه‌یبه‌و شه‌رم بۆته مۆڕاڵی په‌روه‌رده‌كردنێكی سه‌قه‌ت و دواكه‌وتو جۆره‌ها ئاسه‌واری سلبی لێكه‌وتۆته‌وه ، ژن وپیاو له‌كۆمه‌ڵگه‌دا وه‌ك دووجه‌نگاوه‌ر له‌نێو گۆڕه‌پانی ژیانێكی نه‌ویستدا ڕوبه‌ڕووی یه‌ك بونه‌ته‌وه و به‌هێز سه‌ركه‌وتو و براوه‌ی ئه‌و جه‌نگه‌یه هه‌ڵبه‌ت خودی كۆمه‌ڵگه پیاوی كردۆته پێشه‌نگی هه‌موو لایه‌نه‌كانی ژیان وپیاویش له‌و زوڵم ونابه‌رابه‌رییه به‌شێكی زۆری غه‌می كه‌وتۆته شان .
ڕێگرتنی كۆمه‌ڵگه و چه‌سپاندنی یاسا هاوشێوه جه‌نگه‌ڵییه‌كانی هیچ ئازادییه‌كی ڕه‌های بۆ موماره‌سه كردنی غه‌ریزه ئاساییه‌كانی مرۆڤ دانه‌ناوه كه غه‌ریزه‌ی ( زێندی ) یه‌كێكه له غه‌ریزه ئاساییه‌كانی مرۆڤ و پێویستی به‌به‌تاڵكردنه‌وه هه‌یه ئه‌نجامی موماره‌سه‌كردنی كرداری جوتبون له‌نێوان ژن وپیاودا ، چه‌پاندنی ئه‌و غه‌ریزه‌یه بۆته هۆی دروستبوونی چه‌پاندنی زایه‌ندی ( الكبت الجنسی ) ، ئه‌وی ئاشكرایه له كۆمه‌ڵگه نائازاد و نه‌رێتپارێزه‌كاندا لایه‌نێكی شاراوه‌و بێبایه‌خه ته‌نانه‌ت باسكردنی جێێ شه‌رم وعه‌یبه‌یه له‌كاتێكدا مرۆڤ هه‌ڵگری وزه‌و توانایه‌كی زایه‌ندی به‌هێزه‌و پێویستی به‌شاره‌زای ته‌واو هه‌یه له‌قۆناغه‌ سه‌ره‌تاییه‌كانی ژیاندا و به‌درێژایی قۆناغه‌كانی ژیانی پێویستی به ئاشنابون وزانینی ئه‌و گۆڕانكارییانه هه‌یه به‌سه‌ر پێكهاتی فسێلۆجی وفیزیكی له‌شیدا دێت به‌تایبه‌ت له‌قۆناغه‌كانی باڵقبون وهه‌رزه‌كارییدا ، به‌ڵام به‌پێچه‌وانه‌ی ئه‌و ڕاستییه‌وه هه‌میشه له كۆمه‌ڵگه نائازاده‌كاندا زایه‌ند به چه‌مكی ئه‌خلاقه‌وه به‌ستراوه و به‌پاساوی عه‌یبه و گوناه چه‌پێنراوه ئه‌مه‌ش وایكردووه ووشه‌ی زایه‌ند له‌نێو كۆڕوكۆمه‌ڵدا ووشه‌یه‌كی ناشرین وعه‌یب بێت به‌تایبه‌ت له‌ خێزاندا له‌كاتێكدا هه‌رئه‌و كرداره فیزیكه نه‌سلی به‌شه‌رییه‌تی دیاریكردووه وبه‌رده‌وامی پێداوه ، ئابڵوقه خستنه سه‌ر مناڵ ( كوڕو كچ ) به‌تایبه‌ت كچ له‌ قۆناغی مناڵیدا واقعێكی كۆمه‌ڵایه‌تی حشاهه‌ڵنه‌گره ده‌رئه‌نجامی وشكه‌باوه‌ڕی كۆمه‌ڵگه وایكردووه مێ وه‌ك بوونه‌وه‌رێكی لاواز ته‌ماشابكرێت ، وه‌ك ئاشكرایه ( بڤه‌و مه‌كه ) و عه‌یبه ئه‌و ووشانه‌ن كه به‌رده‌وام ڕوبه‌ڕوی كچ ده‌كرێنه‌وه له ته‌واوی قۆناغه‌كانی گه‌شه‌كردنیدا و نابه‌رابه‌رییه‌كی بێسنووری دروست كردووه له‌ نێوان هه‌ردو ڕه‌گه‌زه‌كه‌دا به‌ڵام هه‌ردو ڕه‌گه‌زه‌كه وه‌ك یه‌ك حاڵه‌تی چه‌پاندنی زایه‌ندی ئه‌یانگرێته‌وه .
بێگومان ڕێگرتنی كۆمه‌ڵگه له‌باسكردن و ئاشكراكردنی زایه‌ند وه‌ك چه‌مكێكی كۆمه‌ڵایه‌تی و جیاكردنه‌وه‌ ونێرومێ له‌قۆناغه‌كانی گه‌شه‌كردنیاندا وایكردووه وه‌ك داهێنانێكی ئه‌فسونای بگه‌ڕێن به‌دوای ئه‌و ڕاسیانه‌ی كه‌پاشوه‌خت فێری ئه‌بن و له‌وانه‌شه له‌ده‌ره‌وه‌ی خێزان و خوێندنگا زانیاری وه‌ربگرێت .
وزه‌ی زایه‌ندی له‌قۆناغێكه‌وه بۆ قۆناغێكی دیكه‌ی گه‌شه‌كردنی مرۆڤ جیاوازی هه‌یه و له‌قۆناغی هه‌رزه‌كاریدا وزه‌یه‌كی زیاتری لادروست ده‌بێت ئه‌ویش په‌یوه‌ندی به گۆڕانكارییه فسیۆلۆجییه‌كانه‌وه هه‌یه به‌واتایه‌ك مرۆڤ له‌و قۆناغه‌دا گه‌شه‌كردنێكی خێرا له هۆرمۆن و ئه‌ندام‌‌كانی له‌شیدا ڕوئه‌دات كه‌ئه‌ندامی زایه‌ندیش ئه‌گرێته‌‌وه ، پرسیارێك لێره‌دا خۆی ئاڕاسته ده‌كات ، ئایا له‌كۆمه‌ڵگه نائازاده‌كاندا ئه‌و وزه‌یه به‌ئازادی به‌كارده‌برێت یان ئه‌چه‌پێنرێت ؟ لێره‌دا ئاسه‌واره سلبی وئیجابییه‌كان ده‌رئه‌كه‌ون وكاریگه‌ری ڕاسته‌وخۆیان له‌سه‌ر ده‌رونی تاك دروست ئه‌بێت ، واقعی ئه‌مڕۆی كۆمه‌لایه‌تی ئه‌و كۆمه‌ڵگه كۆنخوازو نه‌رێتپارێزانه وه‌لامێكه بۆ ئه‌و پرسیاره چون ئه‌وی ئه‌بینرێت له‌ژیانی تاكدا گه‌واهی ئه‌و نائازادییه ئه‌دات كه به‌سه‌ر تاكی كۆمه‌ڵدا سه‌پێنراوه و بۆته كێشه‌یه‌كی گه‌وره و بۆ پڕكردنه‌وه‌ی ئه‌و كه‌لێنه‌ی ئه‌و نائازادییه دروستی كردووه ده‌یان كێشه‌ی كۆمه‌لایه‌تی سه‌ریهه‌ڵداوه‌و تاكی به‌ره‌و گرتنی ڕێگای چه‌وت بردووه بۆ پڕكرنه‌وه‌ی ئه‌و كه‌لێنه .
له‌ده‌رئه‌نجامی ئه‌و نادادپه‌روه‌رییه‌ی له‌گه‌ڵ مرۆڤه‌كان كراوه وئێستاشی له‌سه‌ربێت كۆمه‌ڵێك ئاسه‌وارو دیارده له‌نێو كۆمه‌ڵگه نائازاده‌كاندا دروست بوون وه‌ك {{( ساردی زایه‌ندی كه ئه‌م حاڵه‌ته زیاتر ژنانی گرتۆته‌وه ده‌رئه‌نجامی نه‌بونی شاره‌زایی ته‌واو له هه‌مبه‌ر مه‌سه‌له‌ی زایه‌ندی وموماره‌سه‌كردنیدا ، لادانی زایه‌ندی به چه‌ند شێوازێك ڕێگه‌ی جۆراوجۆر وه‌ك ده‌ستدرێژیكردنی سێكسی بۆ سه‌ر كه‌سێك بێ جیاوازی ژێنده‌رو ته‌مه‌ن ، زه‌فربردن ( التحرش ) واته ده‌ستبردن وپه‌لاماردان له ناو خوێندنگاو شوێنه گشتییه‌كاندا ، ئه‌تكردن ( الاغتصاب ) ژن بێت یان پیاو یا مناڵ و هه‌ندێكجار مرۆڤ ئه‌م جۆره ڕه‌فتاره له‌گه‌ڵ ئاژه‌ڵدا ئه‌كات ، گۆڕینی ڕه‌گه‌ز له‌ مێوه بۆ نێر یان به‌پێچه‌وانه‌وه ، په‌نابردن بۆ ماده ئه‌لكهولییه‌كان به‌شێوه‌یه‌كی له‌ڕاده‌به‌ده‌رو ماده بێهوشكه‌ره‌كان ، هاوڕه‌گه‌زبازی ( هۆمۆسێكسوێڵ ) واته ئه‌نجامدانی سیكس وخۆتێركردن له‌گه‌ڵ كه‌سی اهوڕه‌گه‌ز ، ئیدمانبون به فیلمه سێكسییه‌كان و كه‌ناڵه‌سێكسییه‌كانه‌وه یان خۆتێركردنو خوگرتن له‌ڕێگه‌ی نێته‌وه واته ماڵپه‌ڕه سێكسییه‌كان ( المواقع الاباحیه ) كه ئه‌مه‌یان دیارده‌یه‌كی تازه‌ وله‌هه‌مانكاتدا مه‌ترسیداره وده‌رئه‌نجامی توشبونه به نه‌خۆشی ئیدمانی سێكسی )}}
هه‌ڵبه‌ت چه‌پاندن و به‌عه‌یبكردنی زایه‌ند ئاسه‌وارێكی خراپی له‌سه‌ر گه‌نجی كۆمه‌ڵگه نائازاده‌كان به‌تایبه‌ت ڕه‌گه‌زی مێ دروستكردووه و بۆته ئازارێكی ده‌رونی وتاكی توشی خه‌مۆكی كردووه و هه‌ر ئه‌ویشه بۆته هۆی دروستبونی هه‌ندێك له كێشه خێزانییه‌كان به هۆی ساردی زایه‌ندی ونه‌بونی شاره‌زای وتێرنه‌كردنی ئه‌و غه‌ریزه‌یه وێڕای زۆربوونی دیارده‌ی سێكسفرۆشی و سێكسكڕی وپه‌نابردنه به‌ر تێركردنی غه‌ریزه سێكسییه‌كان له‌ده‌ره‌وه‌ی خێزان و به‌لابردنی تاك به‌ره‌و دوچاربوون به دوركه‌وتنه‌وه وكاڵبونه‌وه‌ی په‌یوه‌ندییه‌ خێزانیه‌كان و له‌ناوچونی بنه‌مائه‌خلاقییه‌كانی كۆمه‌ڵگه .

تشرینی دووه‌م 1, 2011

ئالووده‌بوون به‌ سێکس – د. ڕێدار محه‌مه‌د ئه‌مین: پسپۆری نه‌خۆشییه‌ ده‌روونییه‌کان

ئالــووده‌بــوون به‌ سێكس
د. ریدار محه‌مه‌د ئه‌مین
پسپۆر(بۆرد) ی نه‌خۆشییه‌ ده‌روونییه‌كان

یه‌كێك له‌ گرفته‌ گه‌وره‌كانی جیهان له‌م سه‌رده‌مه‌دا، بریتیه‌ له‌ ئالوده‌بوون. ئالووده‌بوون به‌ مانا ساده‌كه‌ی واته‌:بوونی پاڵنه‌رێكی جه‌سته‌یی‌و ده‌روونی بۆ ئه‌نجامدانی كارێك به‌ به‌رده‌وامی، له‌گه‌ڵ ئالۆزبوونی ژیان وپێشكه‌وتنی ته‌كنۆلۆژیا، ڕۆژ دوای ڕۆژ جۆری نوێ‌ له‌ ئالوده‌بوون دێته‌ كایه‌وه‌، وه‌ك ئالووده‌ بوون به‌ ده‌رمان و مادده‌ هۆشبه‌ره‌كان، ئالووده‌بوون به‌ ئینته‌رنێت، پلێستێشن، قومار…هتد. ڕه‌نگه‌ ئالووده‌بوون به‌ سێكسیش كۆنترین جۆری ئالووده‌بوون بێت له‌ مێژووی مرۆڤایه‌تی، به‌ڵام كه‌مترینیان بێت كه‌ قسه‌و باسی له‌ سه‌ر كرابێت، ئه‌مه‌ش له‌به‌ر ئه‌وه‌یه‌ مرۆڤ هه‌میشه‌ حه‌ز ده‌كات ڕه‌فتاره‌ نه‌شیاوه‌كانی له‌ خه‌ڵك بشارێته‌وه‌و لای كه‌س باسی
باسی له‌ سه‌ر كرابێت، ئه‌مه‌ش له‌به‌ر ئه‌وه‌یه‌ مرۆڤ هه‌میشه‌ حه‌ز ده‌كات ڕه‌فتاره‌ نه‌شیاوه‌كانی له‌ خه‌ڵك بشارێته‌وه‌و لای كه‌س باسیان نه‌كات، له‌ كاتێكدا ئه‌م ڕه‌فتارانه‌ ده‌بنه‌ مایه‌ی توانج و په‌لارو ڕه‌خنه‌ گرتنی خه‌ڵك‌و دووركه‌وتنه‌وه‌یان لێی، بۆیه‌ هه‌موو كات هه‌وڵده‌دات به‌ نهێنی ئه‌نجامیان بدات و له‌ سه‌ره‌تادا به‌ دوای هیچ چاره‌سه‌ریه‌ك ناگه‌ڕێت، تا ئه‌و كاته‌ی ته‌واو له‌ ده‌ستی بێزار ده‌بێت و گرفته‌كه‌ی گه‌وره‌ ده‌بێت.
كه‌سی ئالووده‌بوو هه‌موو ده‌م ده‌زانێت گرفتێكی بۆ خۆی دروستكردووه‌، به‌ڵام له‌ ترسی په‌راوێزكردنی له‌ كۆمه‌ڵگه‌ به‌ دوای چاره‌سه‌ركردندا ناگه‌ڕێ و هه‌ندێكجاریش بڕوایان به‌ چاكبوونه‌وه‌ نییه‌ لای هیچ كه‌سێك، به‌ڵكو پێیایوایه‌ گرفته‌كه‌ تایبه‌ته‌ به‌ خۆی و هه‌ر كاتێك بیه‌وێت ده‌توانێ چاره‌سه‌ری خۆی بكات. ئه‌مه‌ش گرفتی ئالووده‌بوون زیاتر ده‌كات‌و سه‌ره‌نجام ئاڵۆزیه‌كانی ئالووده‌بوون به‌ دیار ده‌كه‌ون، كه‌ بریتین له‌ خه‌مۆكیه‌كی توند، هه‌ستكردن به‌ نزمی كه‌سایه‌تی، شه‌رم‌و ڕقبوونه‌وه‌ له‌ خود، بێئومێدی، بێزاری و دڵه‌ڕاوكێی زۆرو ململانێ‌ له‌گه‌ڵ دابونه‌ریته‌كان، شێواوی له‌ بیركردنه‌وه‌ و نه‌مانی توانای بیركردنه‌وه‌ و ته‌ركیزكردن، په‌شیمان بوونه‌وه‌ی به‌رده‌وام و خود سه‌رزه‌نشتكردن و ترس له‌ په‌رواێزكردن، كه‌ ئه‌مانه‌ ده‌بنه‌ هۆی گۆشه‌گیری‌و دوور كه‌وتنه‌وه‌ له‌ خه‌ڵك، خۆ په‌رواێزكردن له‌ گۆشه‌یه‌ك، له‌ جیاتی به‌شداریكردن له‌ چالاكیه‌ كۆمه‌ڵایه‌تییه‌كان، دانیشتن له‌ ماڵه‌وه‌ و سه‌یركردنی گۆڤارو فیلمی ئێرۆتیك، كه‌ له‌ كۆتاییدا و به‌ هۆی ئه‌م ڕه‌فتارانه‌ تووشی چه‌ندین گرفتی ده‌روونی، كۆمه‌ڵایه‌تی،جه‌سته‌یی، ماددی، خێزانی، پیشه‌یی، ته‌نانه‌ت یاسایشی ده‌كه‌ن.
سێكسی دروست بریتییه‌ له‌ شیوازێك له‌ شێوازه‌كانی خۆشگوزه‌رانی و نیشانه‌ی ده‌رووندروستی ته‌ندروستییه‌، به‌ڵام كاتێك ده‌بێت به‌ ئالووده‌بوون، ئه‌وا مه‌ترسی له‌ مه‌ترسی هیچ ئالووده‌بوونێك كه‌متر نیه‌، له‌ لێكوڵینه‌وه‌یه‌كدا ده‌ركه‌وتووه‌ له‌3-6% ئه‌مریكیه‌كان به‌ سێكس ئالووده‌بوونه‌، له‌وانه‌ش 70-75% هه‌وڵی خۆكوشتنیان داوه‌ 40-45%گرفتی گه‌وره‌ی خێزانیان دروستكردووه‌، له‌ 75% له‌ منداڵیه‌وه‌ له‌ڕووی جه‌سته‌ییه‌وه‌ خراپ مامه‌ڵیان له‌گه‌ڵ كراوه‌81%ده‌ستدرێژی سێكسی و97% له‌ رووی ده‌روونی و سۆزداری خراپ مامه‌ڵه‌یان له‌گه‌ڵ كراوه‌. مه‌رج نیه‌ كه‌سی ئالووده‌بوو به‌ سێكس له‌ خه‌ڵكی تر زیاتر سێكس بكات، به‌ڵكو چه‌ند نیشانه‌یه‌ك هه‌یه‌، یان چه‌ند پرسیارێك هه‌یه‌ له‌خۆی بكات، ئه‌وا ده‌زانێت تووشی ئالووده‌بوون بووه‌، به‌ڵام به‌ر له‌م پرسیارانه‌ دوو خاڵی گرنگ هه‌ن، یه‌كه‌میان: ئایا ئه‌م ئالووده‌بوونه‌ وای لێكردووه‌ توانای ئه‌نجامدانی كاركردنی نه‌مابێت‌و له‌ خه‌ڵك دوور كه‌وتبێته‌وه‌؟ دووه‌میان له‌ جیاتی تام و چێژ ئازار بچێژێت، بوونی پاڵنه‌رێكی زۆر بۆ ئه‌نجامدانی كاره‌كه‌ ، به‌ڵام یه‌كسه‌ر دوای كاره‌كه‌ هه‌ست به‌ شه‌رم و په‌شیمانی كردن یان ڕق له‌ خۆ بوونه‌وه‌ بكات، چونكه‌ كارێك ده‌كات زیان به‌ جه‌سته‌و ده‌روونی ده‌گه‌یه‌نێت. له‌ پرسیاره‌كانیش:
*ئایا(خووی نهێنی) زۆر ئه‌نجام ده‌ده‌یت، یان ئایا هه‌ست ده‌كه‌یت به‌ره‌به‌ره‌ ئه‌م كاره‌ زیاتر ده‌كه‌یت؟
*ئایا زۆر سه‌یری سایته‌ سێكسییه‌كان ده‌كه‌یت؟.
*ئایا هه‌ست ده‌كه‌یت كاتێك ده‌چیته‌ سه‌ر ئینته‌رنێت، ئاره‌زوویه‌كی زۆرت هه‌یه‌ بۆ چوونه‌ ناو سایتی سێكسی؟.
*ئایا هه‌ست ده‌كه‌یت كه‌ پێویستیت به‌ سه‌یركردنی سایتێكی سێكسی هه‌یه‌ به‌ر له‌ جووتبوون له‌گه‌ڵ خێزانه‌كه‌ت؟
*ئایا هیچ په‌یوه‌ندیه‌كی سێكسیت هه‌یه‌ له‌ ده‌ره‌وه‌ی خێزانه‌كه‌ت؟
ئه‌گه‌ر وه‌ڵامی هه‌ر كام له‌م پرسیارانه‌ به‌ به‌ڵی بوو، ئه‌وا تۆ خه‌ریكی تووشی ئالوده‌بوون به‌ سێكس ده‌بیت، بۆ زیاتر دڵنیا بوون ئه‌م پرسیارانه‌ وه‌ڵام بده‌وه‌.
*ئایا تۆ ڕۆژانه‌ زیاتر له‌ 3-4 جار (خوی نهێنی ده‌كه‌یت)؟
ئایا زیاتر له‌ په‌یوه‌ندیه‌كی سێكسیت هه‌یه‌؟
*ئایا هیچ چالاكیه‌كی سێكسیت ئه‌نجامداوه‌، كه‌ به‌هۆیه‌وه‌ تووشی گرفت یان زیندانی كردن بووبیت؟
*ئایا هه‌وڵت داوه‌ هیچ كامێك له‌ ره‌فتاره‌كان له‌ پرسیاره‌كانی یه‌كه‌م وازلێبهێنیت بۆ ماوه‌یه‌كی زۆر و نه‌تتوانیوه‌؟
*ئایا هیچ نهێنیه‌كی سێكست هه‌یه‌، كه‌ نزیكترین كه‌سیش له‌ خۆت نایزانێت؟
ئه‌گه‌ر وه‌ڵام بۆ هه‌ركام له‌ مانه‌ به‌ به‌ڵی بوو، ئه‌وا تۆ تووشی ئالووده‌بوون بوویت، به‌ڵام بشزانه‌ كه‌ هه‌واڵی خۆش ئه‌وه‌یه‌ هێشتا ماوه‌ی زۆر ماوه‌ بۆ یارمه‌تیدانت.
چاره‌سه‌ری
یه‌كێك له‌ سه‌ختترین چاره‌سه‌ری ده‌روونی له‌م ڕۆژگاره‌ بریتیه‌ له‌ ئالووده‌بوون، هه‌ر یه‌كێك بابه‌تێك بخوێنێته‌وه‌ ده‌رباره‌ی ئالووده‌بوون هه‌ست به‌ گه‌وره‌یی گرفته‌كه‌ ده‌كات، له‌ ئالووده‌بوونه‌ ، مرۆڤ له‌ قۆناغه‌ سه‌ره‌تاییه‌كانیدا هه‌ست به‌ تام و له‌ززه‌تێكی زۆر ده‌كات، كه‌وا ده‌گاته‌ قۆناغی جۆش و خرۆش، له‌م كاته‌شدا مێشك چه‌ند مادده‌یه‌كی كیمیاوی ده‌رده‌دات، كه‌وا به‌به‌رده‌وامبوون و دووباره‌ بوونه‌وه‌ی ئه‌م كاره‌ مێشك له‌سه‌ری ڕادێت و هه‌موو ده‌م داوای دووباره‌ بوونه‌وه‌ی ئه‌م كارانه‌ ده‌كات، تاكو هه‌مان مادده‌ ده‌ربداته‌وه‌، بۆیه‌ كه‌سی ئالووده‌بوو پێویستی به‌ ماندووبوون و ئازارو ئارامی زۆر هه‌یه‌ تا له‌م گرفته‌ رزگاری بێت، پێویسته‌ سه‌ردانی بنكه‌ی تایبه‌ت و پزیشكی ده‌روونی بكات، كه‌سی ئالووده‌بوو ده‌بێت هۆشیارتر بێت ‌و به‌سه‌ر كۆت و به‌نده‌كانی وه‌ك شه‌رم وعه‌یبه‌دا زاڵبێت، واهه‌ست نه‌كات تاوان یان گوناهی ئه‌نجامداوه‌، چونكه‌ گه‌ر تاوان یان گوناهه‌، ئه‌وا ته‌نها تاوانی ئه‌و نییه‌ و هی هه‌موو كۆمه‌ڵگایه‌، بۆیه‌ ئه‌ركی هه‌موو كۆمه‌ڵگایه‌ به‌شداربن له‌ چاره‌سه‌ركردن، نه‌ك سه‌رزه‌نشتكردن.

تشرینی دووه‌م 1, 2011

هه‌ڵسوکه‌وتی سێکسیی گونجاو – عه‌تا مه‌لا که‌ریم – بریستڵ

هه‌ڵسوکه‌وتی سێکسیی گونجاو
عه‌تا مه‌لا که‌ریم – بریستڵ

له‌ ماڵپه‌ڕو ڕۆژنامه‌و گۆڤاره‌ کوردییه‌کاندا گه‌لێک جار باسی کورت و درێژ ده‌رباره‌ی سێکس ده‌بینین، سووده‌کانی و زیانه‌کانی، حه‌رامه‌کانی و حه‌ڵاڵه‌کانی، خۆشه‌کانی و ترشه‌کانی و خۆرهه‌ڵاتییه‌کانی و خۆرئاواییه‌کانی، به‌ڵام گومانم هه‌یه‌ که‌س باسی هه‌ڵسوکه‌وته‌ گونجاوه‌کانی کردبێت و له‌ هه‌ڵسوکه‌وته‌ نه‌گونجاوه‌کانی جودا کردبێته‌وه‌. هه‌ڵسوکه‌وتی سێکسی گونجاو چییه‌و نه‌گونجاو چییه؟ ئه‌م مه‌سه‌له‌یه‌ له‌ خۆرهه‌ڵات چۆنه‌و له‌ خۆرئاوا چۆنه‌؟ په‌یوه‌ندی به‌ مافی مرۆڤ، مافی مناڵ و مافی ژنانه‌وه‌ چییه‌؟ ئه‌م پرسیارانه‌و چه‌نده‌ها پرسیاری دیکه‌ ئه‌وه‌ ده‌هێنن که‌ بیان خه‌ینه‌ به‌رده‌م خوێنه‌ری کورد و بزانین بیرو بۆچونه‌ جیاوازه‌کان ده‌رباره‌ی سێکس و هه‌ڵسوکه‌و‌تی سێکسی گونجاو چییه‌.
سێکس شتێکی غه‌ریزییه‌و له‌ هه‌موو بونه‌وه‌رێکی زیندودا هه‌یه‌ و به‌بێ ئه‌وه‌ زۆربوون نابێت. ئاژه‌ڵ و مرۆڤ و جڕوجانه‌وه‌رو ڕووه‌ک پێویستییان به‌ جووت بوون و پیتاندن واته‌ سێکس هه‌یه‌ بۆ ئه‌وه‌ی نه‌وه‌ی نوێ بخه‌نه‌وه‌. ئه‌مه‌ش پێویستی به‌ فێربوون و فێرکردن نییه‌، پێویستی به‌ ئینته‌رنێت و سه‌ته‌لایت نییه‌ و به‌رلێگرتنیشی ده‌بێته‌ هۆی ده‌رکه‌و‌تنی له‌شێوه‌ی هه‌ڵسوکه‌وت و کردارو گوفتار خه‌وو خه‌یاڵی دیکه‌دا. ئه‌وه‌ی جیاوازه‌ هه‌ڵسوکه‌وتی سێکسییه‌ له‌ نێوان ڕووه‌ک و ئاژه‌ڵ و مرۆڤدا له‌لایه‌که‌وه‌ له‌نێوان مرۆڤ له‌ قۆناغه‌ مێژوویه‌ جیاوازه‌کاندا یان له‌نێوان شارستانی و کۆمه‌ڵگه‌ جیاوازه‌کاندا له‌ قۆناغێکی مێژوویی دیاری کراودا.
من لێره‌دا نامه‌وێت باس له‌ کرداری سێکس بکه‌م، چۆن به‌تامه‌و چۆن ته‌ندروسته‌، ته‌کنییکه‌کانی له‌ کۆمه‌ڵگا جیاوازه‌کاندا چین و چۆن باشترین چێژ له‌و کاره‌ وه‌رده‌گیرێت. ئه‌وه‌ی له‌م بابه‌ته‌دا من باسی ده‌که‌م هه‌ڵسوکه‌وتی سێکسی گونجاوه‌ بۆ مرۆڤی سه‌ده‌ی بیستو یه‌که‌م و هیوادارم بتوانم چه‌ند لایه‌نێکی ڕوون بکه‌مه‌وه‌ یان هه‌ر نه‌بێت وه‌ بیری که‌سانێکی شاره‌زاتری بهێنمه‌وه‌ که‌ ئێمه‌ ئه‌مڕۆ چه‌نده‌ پێویستییمان به‌ ڕۆشنبیری سێکسی و هه‌ڵسوکه‌وتی سێکسی گونجاو هه‌یه‌. د. سرور وتارێکی نوسیوه‌ به‌ناوی ” خۆ ڕزگارکردن له‌ ده‌ستپه‌ڕ” و له‌ گۆڤاری زانستی سه‌رده‌م و ماڵپه‌ڕی ده‌روونناسیدا بڵاوکراوه‌ته‌وه‌. خۆزگه‌ له‌باتی ئه‌وه‌ باسی خۆڕزگارکردنی بکردایه‌ له‌ ده‌یان خووی کۆمه‌ڵایه‌تی نابه‌جێ له‌کاتێکدا که‌ ده‌ستپه‌ڕ ته‌نها جۆرێکی دیکه‌یه‌ له‌ سێکس و په‌تای کۆلێرا نییه‌ تا خه‌ڵک خۆی لێ ڕزگار بکات. له‌زۆربه‌ی کاتدا له‌لایه‌نی ته‌ندروستییه‌وه‌ بێمه‌ترسییه‌ چ له‌لایه‌نی جه‌سته‌یی وه‌ک بڵابوونه‌وه‌ی نه‌خۆشییه‌ زایه‌ندییه‌کان و چ له‌لایه‌نی کۆمه‌ڵایه‌تی و یاساییه‌وه‌ که‌ ته‌نها په‌یوه‌ندی به‌و که‌سه‌وه‌ هه‌یه‌ و به‌س. ته‌نها کێشه‌یه‌ک که‌ هه‌یبێت پێده‌چێت خۆ ماندووکردنی زۆری هه‌ندێک گه‌نج بێت که‌ له‌وکاته‌دا ده‌کرێت بڵێین که‌مکردنه‌وه‌ یان کۆنترۆڵ کردنی ئه‌و کاره‌. بۆ مه‌سه‌له‌ی فێربوونیشی ئه‌وه‌ به‌ر له‌ مرۆڤ زۆربه‌ی ئاژه‌ڵه‌کان زانیویانه‌و پیاده‌ی ده‌که‌ن و ئه‌و کاره‌ له‌ ئاژه‌ڵدا به‌ ده‌ستمیز ناسراوه‌. له‌کاتێکدا که‌ ئه‌و ئاژه‌ڵانه‌ نه‌ ده‌چنه‌ سه‌ر ئینته‌رنێت و نه‌ سه‌یری سه‌ته‌لایت ده‌که‌ن.
زۆرکه‌س به‌ هه‌ڵه‌ له‌ هه‌ڵسوکه‌وتی سێکسی خه‌ڵکی خۆرئاوا تێده‌گه‌ن. به‌داخه‌وه‌ ئه‌وه‌ش په‌یوه‌ندی به‌ دوورو نزیکی جۆگرافییه‌وه‌ نییه‌ به‌ڵکو په‌یوه‌ندی به‌ دوورو نزیکی ڕۆشنبیری و کولتوورییه‌وه‌ هه‌یه‌. چه‌نده‌ها‌ که‌س له‌وانه‌ی که‌ چه‌نده‌ها ساڵه‌ له‌ خۆرئاوا، واته‌ ئه‌ورپاو ئه‌مریکا ده‌ژین به‌ڵام هه‌ر که‌ کچه‌که‌یان ده‌گاته‌ ته‌مه‌نی هه‌رزه‌کاری هه‌موو له‌شیان دێته‌ خوروو ده‌که‌ونه‌ ته‌نگه‌ژه‌ی “به‌خوا تا زووه‌ بگه‌ڕێینه‌وه‌ بۆ لای خۆمان باشتره‌!”. من به‌رله‌وه‌ی ئه‌وروپا ببینم بۆچونێکم هه‌بوو وه‌ ده‌مووت: من پێموایه‌ ئه‌وه‌ی له‌ بن گوڵه‌ به‌ڕۆژه‌کانی شاره‌زوورو داربه‌ڕوه‌کانی قه‌راخ و باخه‌ ڕه‌زه‌کانی شارباژێڕ و پشده‌رو ناو باخه‌ کودییه‌کانی ده‌شتی هه‌ولێر ده‌کرێت هه‌ر وه‌کو ئه‌وه‌ وایه‌ که‌ له‌ پاریس و له‌نده‌ن و نیوۆرک و ستۆکهۆڵم ده‌کرێت؛ به‌ڵام ئه‌وه‌ی جیاوازه‌ په‌یوه‌ندی به‌ ئاشکرایی و نائاشکرایی و جیاوازی بۆچوونی خه‌ڵکه‌ له‌ کولتووره‌ جیاوازه‌کاندا بۆ هه‌ڵسوکه‌وته‌کان. به‌ شادومانییه‌وه‌ ئێستاش دوای حه‌وت ساڵ له‌ بریتانیا هه‌ر هه‌مان بۆچوونم هه‌یه‌.
‌مرۆڤ هه‌ر وه‌ک چۆن هه‌ناسه‌ده‌دات و نان ده‌خوات و ده‌خه‌وێت هه‌ر ئاواش له‌ کات و ساتی خۆیدا ئاره‌زووی سێکسی ده‌جووڵێت، ئیتر ئه‌وه‌ به‌گوێره‌ی ته‌مه‌ن و سه‌رقاڵی و دڵشادی یان خه‌مۆکی ئه‌وکه‌سه‌ یان هه‌بوونی بواری گونجاوو زانینی ته‌کنیک و هۆکاری جیاجیا له‌ شوێنێکه‌وه‌ بۆ شوێنێکی دیکه‌ به‌رزوو نزم و که‌م و زیاد ده‌کات و ئه‌و شه‌پۆلدانه‌ په‌یوه‌ندی به‌م باسه‌وه‌ نییه‌. ئه‌وه‌ی په‌یوه‌ندی به‌م باسه‌وه‌ هه‌یه‌ ئه‌وه‌یه‌ که‌ چۆن مناڵه‌که‌ت له‌ سێکس تێده‌گه‌یه‌نیت نه‌ک چۆن به‌دووری ده‌گریت له‌ فێربوونی خووی خراپ، وه‌ک به‌داخه‌وه‌ هه‌ندێک که‌س تێی گه‌یشتوون. ئه‌مه‌ش چه‌نده‌ها کێشه‌ی به‌دوادا دێت و به‌داخه‌وه‌ زۆربه‌ی هه‌ره‌زۆری به‌ره‌وڕووی ڕه‌گه‌زی مێ ده‌بێته‌وه‌. کابرایه‌کی مه‌غریبی ئه‌ئاوا باسی هاوڕێکه‌ی بۆکردم: هاوڕێیه‌کم هه‌یه‌ له‌ به‌لجیکا، کچێکی هه‌یه‌ و هه‌ر ئه‌وه‌نده‌ کچه‌که‌ی گه‌یشته‌ ته‌مه‌نی هه‌رزه‌کاری ده‌ستی کرد به‌ له‌به‌رکردنی جۆره‌ جلوبه‌رگێک و خه‌ریک بوو ئه‌ملاو ئه‌ولا بکات. ئه‌و زانیی که‌ دایکیشی ڕێگر نییه‌ له‌به‌رده‌میدا هه‌ر بۆیه‌ به‌ناوی پشوه‌وه‌ بردنییه‌وه‌ بۆ مه‌غریب و له‌وێش بردنی بۆ گوندێک که‌ برایه‌کی له‌وێ ده‌ژی. پاسپۆرته‌کانیانی دڕی و به‌ براکه‌ی ووت: سه‌گێکم بۆ بدۆزه‌ره‌و ئه‌م سه‌گه‌ی لێ ماره‌ بکه‌، هه‌ر سه‌گێک بێت قه‌ی ناکات، با وه‌ک سه‌گ مامه‌ڵه‌ی له‌گه‌ڵدا بکات. دوای ئه‌وه‌ی خۆی گه‌ڕایه‌وه‌ بۆ به‌لجیکاو ئێستا له‌وێ ده‌ژی. پێده‌چێت له‌وه‌ خراپتریش لای خۆمان ڕووی دابێت، که ئه‌ویش کوشتنی ئه‌و ژنه‌ یان کچه‌یه‌.
به‌م جۆره‌ ئه‌وه‌ی جیاوازه‌ تێگه‌یشتنی مرۆڤه‌ بۆ په‌سه‌ندی و نا په‌سه‌ندی ڕه‌فتاره‌کان. دیاره‌ خه‌ڵکانێکی زۆر چه‌پڵه‌ی ئافه‌رین بۆ هه‌ڵوێستی پیاوانه‌ی ئه‌و کابرا مه‌غریبییه‌ لێ ده‌ده‌ن له‌کاتێکدا که‌ چه‌نده‌های دیکه‌ وه‌ک زۆردارو نه‌زان و لاژگ و بێڕه‌وشت سه‌یری ده‌که‌ن. دیاره‌ کچه‌که‌ی ئه‌و له‌ مه‌غریب به‌بێ ئاره‌زووی خۆی ماره‌ کراوه‌ له‌ که‌سێک. هه‌ر له‌ یه‌که‌م شه‌وه‌وه‌ کابرا ده‌ستی کردووه‌ به‌ ڕه‌یپ کردنی و ئه‌مه‌ به‌رده‌وام ده‌بێت تا ئه‌و کاته‌ی که‌ کابرا چیدیکه‌ توانای سێکسی نامێنێت. پێده‌چێت وه‌ک کاردانه‌وه‌یه‌ک ئه‌و کچه‌ چه‌نده‌ها په‌یوه‌ندی نهێنی دیکه‌ دروست بکات و به‌پێچه‌وانه‌ی ئاین و کولتوور و کۆمه‌ڵگاوه‌ کاری سێکسی نهێنی ئه‌نجام بدات و هتد… باوکیشی له‌ به‌لجیکا ئه‌وه‌ ئاره‌زووی خۆیه‌تی چۆن هه‌ڵسوکه‌وت ده‌کات.
له‌ خۆرئاوا بێجگه‌ له‌ کولتوورو ئاین یاساو ڕێسای زۆر تووندوتۆڵ و تۆکمه‌ هه‌یه‌ بۆ ڕێکخستنی ژیانی سێکسی. دیاره‌ ئه‌مه‌ به‌رهه‌می گه‌شه‌ی شارستانی چه‌نده‌ها سه‌ده‌ی ئه‌و کۆمه‌ڵگایانه‌یه‌و به‌رده‌وام پێیدا ده‌چنه‌وه‌ و ده‌ستکاری ده‌که‌ن و بیروڕای بیرمه‌ندان و شاره‌زایان و خه‌ڵکی له‌سه‌ر وه‌رده‌گرن و شێوازی په‌روه‌رده‌ی گونجاوی لێ هه‌ڵده‌هێنجن بۆ مناڵان و سزای له‌سه‌ر داده‌نێن بۆ سه‌رپێچیکه‌ران. ئه‌وانه‌ی که‌ وا ده‌زانن ژنان له‌ خۆرئاوا له‌لایه‌نی سێکسییه‌وه‌ به‌ره‌ڵان و هیچ جۆره‌ قه‌یدو به‌ندێک نییه‌ باشتره‌ سه‌یری هه‌ڵسوکه‌وتی سێکسی پیاوانی کۆمه‌ڵگاکانی خۆیان بکه‌ن و بزانن، ئه‌گه‌ر به‌ره‌ڵایی وابێت، پیاو له‌ کۆمه‌ڵگا خۆرهه‌ڵاتیه‌کاندا چه‌نده‌ به‌ره‌ڵاو بێ قه‌یدو به‌نده‌. له‌ڕاستیدا ژنان له‌وێ به‌ره‌ڵا نین به‌ڵکو مرۆڤن و خۆیان بڕیار له‌سه‌ر هه‌ڵسوکه‌وتی خۆیان ده‌ده‌ن، ئیتر چ باش بکه‌ن و چ خراپ خۆیان لێپرسراون. شارستانی خۆرئاوایی چه‌نده‌ها شتی له‌ناو یاسادا چه‌سپاندووه‌ له‌سه‌ر هه‌ڵسوکه‌وتی گونجاوی سێکس که‌ گرنگه‌کانیان ئه‌مانه‌ن:
• که‌س بۆی نییه‌ له‌گه‌ڵ مناڵ، واته‌ هه‌رکه‌سێکی خوار ته‌مه‌نی 16 ساڵ به‌گوێره‌ی یاسای ئینگلته‌ره‌ بۆ ئه‌و مه‌به‌سته‌ ، هه‌ڵسوکه‌وتی سێکسی بکات وه‌ک:
 ماچ کردن و له‌باوه‌ش گرتن به‌بێ هه‌بوونی په‌یوه‌ندییه‌کی نزیکی وه‌ها که‌ هیچ جۆره‌ ته‌مومژێک دروست نه‌کات
 نیشاندانی له‌شی ڕووت و ئۆرگانه‌ سێکسییه‌کان به‌ مناڵ
 نیشاندانی وێنه‌ی ڕووت یان وێنه‌ گرتنی مناڵ به‌ ڕووتی یان ڕووتکردنه‌وه‌ و سه‌یرکردنی شوێنه‌ تایبه‌ته‌کانی
 ده‌ست بۆبردن، بزپێوه‌کردن و نقوچک یان ده‌ست بردن بۆ سنگ و مه‌مک و ئۆرگانه‌ سێکسییه‌کانی چ کچ چ کوڕ
 گاڵته‌و قسه‌ی په‌یوه‌ندیدار به‌ سێکسه‌وه‌ که‌ له‌گه‌ڵ ته‌مه‌نیدا ناگونجێت
 ناچارکردنی بۆ سێکس له‌هه‌ر ڕێگایه‌که‌وه‌ بێت به‌ ترساندن و تۆقاندنی یاخود هه‌ڵخه‌ڵه‌تاندن و قایل کردنی
 قبوڵکردنی ئه‌نجام دانی سێکس له‌گه‌ڵ ئه‌و‌ که‌سه‌ مناڵه‌ به‌بیانوی ئه‌وه‌ی که‌ خۆی داوای کردووه‌، خۆی پێی خۆشه‌ یان له‌شولاری هه‌ڵی ده‌گرێت یان هه‌ر بڕوبیانویه‌کی دیکه‌
• هه‌ر جۆره‌ کارێکی سێکسی له‌نێوان دوو که‌سی گه‌وره‌دا ده‌بێت به‌ ڕه‌زامه‌ندی ته‌واوی هه‌ردوولا بێت ئیتر ژن و مێرد بن یان بێگانه‌ و ئه‌نجام دانی ئه‌و کاره‌ به‌بێ ڕه‌زامه‌ندی ڕه‌یپه‌و له‌ بریتانیا له‌دوای مرۆڤ کوشتن به‌ئه‌قه‌ست دووه‌م گه‌وره‌ترین تاوانه‌ و هه‌ندێک جار سزای زیندانیی هه‌تا هه‌تایی له‌سه‌ره
• هه‌موو که‌سێکی گه‌وره‌ ئازاده‌ له‌ ڕێکخستنی ژیانی سێکسی خۆیدا و خۆی لێپرسراوه‌ له‌ هه‌ڵبژاردنی ئه‌و شێوازو په‌یوه‌ندییه‌ی که‌ پێکی ده‌هێنێت ئیتر به‌گوێره‌ی شه‌ریعه‌تی ئیسلام بێت یان جوله‌که‌، کریستیان بێت یان هیندو، یان ته‌نها به‌گوێره‌ی تۆماری فه‌رمی ده‌وڵه‌ت‌ یاخود ته‌نها وه‌ک هاوڕێیه‌تییه‌کی کاتیی یان درێژخایه‌ن بێت نه‌که‌س زۆری لێده‌کات و نه‌که‌س به‌ری لێده‌گرێت
• هه‌رجۆره‌ ده‌ست بۆبردن، خۆتێهه‌ڵسون، یان کارێکی له‌وجۆره‌ یان زۆرجار قسه‌و هه‌ڵسوکه‌وتی وه‌هاش که‌ به‌رانبه‌ر به‌ بریندارکه‌ر یان په‌لامارده‌رانه‌ی بزانێت له‌باره‌ی سێکسیه‌وه‌ به‌بێ ئه‌نجامدانی ته‌واوی جووتبوون، ئه‌وه‌ش به‌ په‌لاماری سێکسی یان کاری نابه‌جێی سێکسی داده‌نرێت و سزای له‌سه‌ره‌
• ئه‌وکه‌سه‌ی تاوانێکی سێکسی له‌سه‌ر ساخ ببێته‌وه‌ زۆر به‌ زه‌حمه‌ت ناوی له‌ لیستی گومانلێکراوانی سێکسی دێته‌ ده‌ره‌وه‌و خۆ ئه‌گه‌ر ئه‌و‌ کاره‌ له‌گه‌ڵ مناڵ بووبێت ئه‌وا به‌ درێژایی ژیانی نابێت له‌ کارێکدا قبوڵ بکرێت و دابمه‌زرێت که‌ په‌یوه‌ندی هه‌بێت به‌ مناڵه‌وه‌ وه‌ک خوێندنگه‌، باخچه‌ی ساوایان، بنکه‌کانی گه‌نجان، پۆلیس، وه‌رگێڕان، شۆفێری تاکسی هتد…
• هه‌موو ئه‌و که‌سانه‌ی که‌ کارێک ده‌که‌ن که‌ په‌یوه‌ندی به‌ مناڵ، گه‌نجان، که‌سانی گه‌وره‌ی که‌مئه‌ندام و به‌تایبه‌تی که‌مئه‌ندامی مێشک و ده‌روون، کاری متمانه‌دار و پڕ نهێنی وه‌ک پۆلیس، مامۆستا، وه‌رگێڕ، دوکتۆر، په‌رستیار، شۆفێری تاکسی و هتد… ده‌بێت به‌ڵگه‌نامه‌ی بێتاوانی پێشکه‌ش بکه‌ن. ئه‌م به‌ڵگه‌نامه‌یه‌ له‌ بریتانیا له‌لایه‌ن نوسینگه‌ی تۆمارکردنی تاوان CRB ه‌وه‌ ئاماده‌ ده‌کرێت و یه‌که‌م شوێن که‌ بۆ ناوی ئه‌و که‌سه‌ ده‌گه‌ڕێن لیستی تاوانبارانی سێکسییه‌ به‌رانبه‌ر به‌ مناڵ و دوای ئه‌و لیستی تاوانه‌ سێکسییه‌کانه به‌گشتی‌.
به‌ سه‌رنجدانی ئه‌و لیسته‌ بۆمان ده‌رده‌که‌وێت که‌ ئه‌و کۆمه‌ڵگایه‌ سێکسی ڕێخستووه‌ و ڕێبازێکی سێکسی گونجاوی داناوه‌ بۆ ئه‌وه‌ی که‌ ئه‌ندامانی کۆمه‌ڵگاکه‌ی یان هه‌رکه‌سێکی دیکه‌ که‌ بۆ ماوه‌یه‌کی درێژ یان کورت له‌ناو ئه‌و کۆمه‌ڵگایه‌دا بژی په‌یڕه‌وی بکات. دیاره‌ من ناڵێم ئه‌و کۆمه‌ڵگه‌یه‌ شامی شه‌ریفه‌و هیچ کێشه‌یه‌ک تێیدا ڕوونادات. تاوان هه‌ر وه‌ک نه‌خۆشی و ڤایرۆس و میکرۆب له‌ هیچ شوێنێک بنبڕ ناکرێت. به‌ڵام له‌ شوێنێک ئه‌گه‌ر ئه‌و کاره‌ ئاشکرا ببێت سزای توندی یاسایی له‌سه‌ره‌و له‌ شوێنێکی دیکه‌ش خه‌ڵک و ته‌نانه‌ت پۆلیس و پێده‌چێت دادوه‌ریش قاقا به‌وه‌ پێبکه‌نن، ئائه‌مه‌یه‌ سه‌رچاوه‌ی جیاوازییه‌کان.
مناڵ له‌ کۆمه‌ڵگایه‌کی مه‌ده‌نیدا وه‌ک بوونه‌وه‌رێکی سه‌ربه‌خۆ چاوی لێده‌کرێت که‌ مناڵه‌ ئیتر گرنگ نییه‌ کوڕ یان کچی کێیه‌، له‌ چ بنه‌ماڵه‌یه‌که‌، ده‌وڵه‌مه‌نده‌ یان هه‌ژار، ڕۆشنبیره‌ یان ده‌شته‌کی، ساخ و سه‌لامه‌ته‌ یان که‌مئه‌ندام. به‌مجۆره‌ هه‌موو مناڵێک ده‌بێت له‌ مامه‌ڵه‌ی سێکسی ناچیزه‌و ناشایسته‌ به‌ دوور بن و هه‌موو که‌س ده‌بێت ئه‌وه‌ به‌ ئه‌رکی خۆی بزانێت که‌ به‌هه‌رجۆرێک بۆی ده‌کرێت به‌ر له‌و تاوانانه‌ بگرێت. ئیتر ئه‌و تاوانه‌ له‌لایه‌ن که‌سانی گه‌وره‌وه‌ ڕووبده‌ن پیاو بن یان ژن یان له‌لایه‌ن که‌سانی گه‌نجی له‌ مناڵه‌که‌ گه‌وره‌تره‌وه‌ ڕووبده‌ن.
له‌ ئینگلته‌ره‌، دیاره‌ من زانیاریم له‌سه‌ر ئه‌وه‌ێ هه‌یه‌، مناڵان له پۆلی شه‌شی سه‌ره‌تاییه‌وه‌ واته‌ له‌ ‌ ته‌مه‌نی 11 -12 ساڵییه‌وه‌ نامه‌یه‌کیان ده‌ده‌نێ که‌ ئایا دایکوباوکیان ڕازین ڕۆشنبیری سێکسی بدرێت به‌ مناڵه‌که‌یان یان نا. ئه‌وه‌ش بریتییه‌ له‌ نیشاندانی چه‌ند وێنه‌یه‌کی کاریکاتێری ده‌رباره‌ی گه‌شه‌ی له‌شیان له‌و قۆناغه‌دا، جیاوازی نێرو مێ، گه‌وره‌بوونی مه‌مک، ده‌رکه‌وتنی مووی له‌ش، سوڕی مانگانه‌ی کچان. ئه‌م نامه‌یه‌ بۆ زۆرکه‌س وه‌ک بۆمبێک وایه‌. مناڵه‌که‌مان له‌ ئێستاوه‌ فێری سێکس ده‌که‌ن! سێکس فێربوونی ناوێ، مه‌ڕ و بزن و که‌رو گا له‌کاتی خۆیدا فێری ده‌بێت و ئه‌نجامی ده‌دات ئیتر مرۆڤ چ پێویستییه‌کی به‌ فێربوونی ئه‌وه‌ هه‌یه‌. ئه‌وه‌ی پێویسته‌ فێری ببین په‌روه‌رده‌ی سێکسی و ڕێکخستنی ژیانی سێکسییه‌.
کاتێک مناڵان ده‌گه‌نه‌ ته‌مه‌نێکی گه‌وره‌تر ئیتر فێری ئه‌وه‌ ده‌کرێن که‌ چ جۆره‌ ڕه‌فتارێکی سێکسی قبوڵ ده‌کرێت و چ جۆرێک ناکرێت، ده‌بێت چی بکه‌ن ئه‌گه‌ر گه‌نجه‌کان پرسیاریان هه‌بوو، کێشه‌یان هه‌بوو، دوودڵی و ترسیان هه‌بوو، خه‌ویان بینی یان وایان زانی میزیان کردووه‌ به‌ خۆیاندا، له‌ خه‌ویاندا له‌گه‌ڵ که‌سانی مه‌حره‌م بوون و چه‌نده‌ها ئه‌ندێشه‌ی دیکه‌. ده‌بێت مامۆستاو لێپرسراوانی گه‌نجان هه‌میشه‌ له‌وه‌ دڵنیا بن که‌ ئه‌و زانیارییه‌ی که‌ ئه‌و مناڵه‌ یان گه‌نجه‌ هه‌یه‌تی له‌گه‌ڵ ته‌مه‌نیدا ده‌گونجێت. له‌ قۆناغێکدا پێویسته‌ بزانێت که‌ بۆچی ئه‌و کوڕه‌و ئه‌وی دیکه‌ کچه‌. له‌ قۆناغێکی دیکه‌دا ده‌بێت بزانێت چۆن گه‌شه‌ ده‌که‌ین و ده‌گۆڕێین و کاریگه‌رییان چییه‌ له‌سه‌ر هه‌ڵسوکه‌وت و ژیانمان. له‌ قۆناغێکی دیکه‌دا ده‌بێت بزانن له‌ چ ته‌مه‌نێکدا ده‌توانن په‌یوه‌ندی سێکسی بکه‌ن، له‌گه‌ڵ چ ته‌مه‌نێک ده‌توانن ئه‌و کاره‌ ئه‌نجام بده‌ن، چۆن هه‌ڵسوکه‌وت له‌گه‌ڵ به‌رانبه‌ره‌که‌یان ده‌که‌ن و ڕه‌زامه‌ندی و ناڕه‌زایی چی ده‌گه‌یه‌نێت. یاسا و تاوان و سزا له‌و بواره‌دا ده‌ڵێت چی. نه‌خۆشییه‌ زایه‌ندییه‌کان چین و چۆن به‌ ته‌ندروستی سێکس ئه‌نجام ده‌درێت و ئه‌گه‌ر کێشه‌یه‌کی له‌و بابه‌ته‌ت هه‌بوو له‌گه‌ڵ کێ قسه‌ ده‌که‌یت. مناڵ بوون و به‌رگرتن له‌ مناڵ بوون چییه‌ و چۆنه‌و چۆن ده‌توانیت ئه‌گه‌ر پێویست بوو داوای یارمه‌تی بکه‌یت.
لێره‌دا ئه‌وه‌مان بۆ ده‌رده‌که‌وێت که‌ جیاوازی نێوان ڕوبه‌ڕوبونه‌وه‌ی ڕاستییه‌کان و خۆ شاردنه‌وه‌و درۆو دووڕووی چییه‌. پێوه‌ره‌ ڕه‌وشتییه‌کان (ئه‌خلاقییه‌کان) چین و چۆن بڕیاریان له‌سه‌ر ده‌ده‌ین. دیاره‌ شرۆڤه‌کردنی ڕه‌وشت به‌گوێره‌ی کۆمه‌ڵگاو، ئاین و شارستانی وهه‌مان کۆمه‌ڵگا له‌ قۆناغی مێژوویی جیاوازو ئاستی ڕۆشنبیری خه‌ڵک ده‌گۆڕێت. ئه‌وه‌ی له‌لای که‌سێک بێڕه‌وشته‌ له‌لای که‌سکی دیکه‌ پاڵه‌وانێکی نمونه‌ییه‌. کاتێک چوومه‌ کرماشان بینیم له‌سه‌ر دیواره‌کان به‌ هێڵی گه‌وره‌ نوسرابوو ”بێ له‌چک بێ ئابڕووه‌” به‌ڵێ به‌ پێوه‌ری ئه‌و که‌سه‌ ئه‌وه‌ی له‌چکێکی کرد به‌سه‌رییه‌وه‌ ئیتر له‌ هه‌موو شتێکی خراپ به‌دووره‌. دیاره‌ له‌به‌رانبه‌ریشدا که‌سانێکی دیکه‌ هه‌ن که‌ هه‌ر ئه‌وانه‌ به‌ خراپ ده‌زانن. لێره‌دا کێشه‌ی گه‌نم گه‌نم و دژایه‌تی به‌رانبه‌ر دێته‌ ئاراوه‌ که‌ به‌ره‌و بابه‌تێکی دیکه‌مان ده‌بات و من حه‌زم به‌و گه‌نم گه‌نمه‌ نییه‌. ئه‌وه‌ی په‌یوه‌ندی به‌م باسه‌وه‌ هه‌یه‌ ئه‌وه‌یه‌ که‌ له‌ سه‌ده‌ی بیستویه‌که‌مدا ده‌بێت به‌ پێوه‌ره‌کاندا بچینه‌وه‌. دیاره‌ دژایه‌تی و قبوڵنه‌کردنی شتی نوێ و نامۆ به‌شێکه‌ له‌ سروشتی مرۆڤ و من ئه‌و کێشه‌یه‌ له‌ هه‌موو شارستانی و کۆ‌مه‌ڵگاکاندا به‌دی ده‌که‌م. ئه‌م مه‌سه‌له‌یه‌ په‌یوه‌ندی به‌ کولتوورو داب و نه‌ریته‌وه‌ هه‌یه‌ نه‌ک خراپی خودی شته‌کان. بۆ نمونه‌، ساڵانی زوو له‌ کۆمه‌ڵگای کورده‌واریدا شه‌وکوت و دزی و تاڵانی نه‌ک هه‌ر عه‌یب نه‌بوو به‌ڵکو به‌شێک بوو له‌ ده‌رخستنی ئازایی و قاره‌مانی. ئه‌وان پێوه‌ری ڕه‌وشتیی خۆیان هه‌بوو، وه‌ک یه‌شار که‌مالی نووسه‌ر باسی ده‌کات، پێیان لۆمه‌ بوو گوندێک تاڵان بکه‌ن که‌ چۆڵه‌! ئه‌وه‌ ده‌بوو به‌ حیزه‌ فرسه‌ت. به‌ڵام ئه‌گه‌ر له‌و سه‌رده‌مه‌دا بیان ووتایه‌ که‌سێک هه‌یه‌ عه‌ره‌ق ده‌خواته‌وه‌ ئاماده‌بوون به‌ هه‌موو خه‌ڵکی گونده‌که‌ به‌رده‌بارانی بکه‌ن، له‌کاتێکدا که‌ ئه‌و ته‌نها زیانی بۆ خۆی هه‌بووه‌. هه‌مان به‌سه‌رهات به‌سه‌ر ته‌نووره‌، ته‌نووره‌ی کورت، سترێچ، پانتۆڵی ته‌سک، چوونه‌ خوێندنگه‌ و زانکۆو فه‌رمانگه‌ و کارگه‌ و کارخانه‌ هتد… دا هاتووه‌ له‌ قۆناغه‌ مێژوویه‌ جیاوازه‌کاندا .
له‌ کۆتاییدا ده‌توانین بڵێین که‌ مرۆڤ هه‌ر مرۆڤه‌ له‌ هه‌رشوێنیک بێت و هه‌مان پێوه‌ره‌کانی مافی مرۆڤ ده‌یگرێته‌وه‌. کۆمه‌ڵگاکان به‌رده‌وام ده‌گۆڕێن و بمانه‌وێت یان نه‌مانه‌وێت ئه‌و گۆڕانکارییانه‌ به‌ره‌وڕوومان ده‌بنه‌وه‌ جا له‌باتی ئه‌وه‌ی وه‌ک ووشترمه‌ل (نه‌عامه‌) سه‌رمان بکه‌ین به‌ ژێر باڵماندا و خۆمان له‌ ڕاستییه‌کان گێل بکه‌ین باشتره‌ که‌ ڕووبه‌ڕوویان ببینه‌وه‌و تێیان بگه‌ین و ڕێوشوێنی گونجاویان بۆ دابنێین. به‌پێچه‌وانه‌وه‌ ئه‌وانه‌ی تووشی هه‌ڵه‌ ده‌بن به‌ره‌و ڕووی چه‌نده‌ها که‌نده‌ڵان هه‌ڵده‌خلیسکێن. ئێستاکه‌ ئه‌وانه‌ی هه‌ڵخلیسکاون که‌م نین، وه‌ک ئه‌وانه‌ی تووشی نه‌خۆشییه‌ زایه‌ندییه‌کان بوون به‌هۆی نه‌زانییه‌وه‌، ئه‌وانه‌ی تووشی ئاژاوه‌ی ناوماڵ بوون، ئه‌وانه‌ی ده‌بێت هه‌موو یان به‌شێکی زۆری ژیانیان له‌ به‌ندیخانه‌ ببه‌نه‌ سه‌ر له‌به‌ر کوشتنی ژن، کچ یان کچه‌ هاوڕێکه‌یان‌ یان ئه‌نجامدانی تاوانی ڕه‌یپ یان سێکس له‌گه‌ڵ مناڵ، ئه‌وانه‌ی ناویان چووه‌ته‌ ناو تۆماری ڕه‌ش، ئه‌وانه‌ی مناڵه‌کانینان لێیان هه‌ڵهاتوون یان لێیان سه‌ندوون، ئه‌وانه‌ی که‌ تووشی گرێی ده‌روونی نێوان وڵات و هه‌نده‌ران بوون و ناتوانن خۆیان ساخ بکه‌نه‌وه‌ له‌لایه‌ک له‌به‌ر ئه‌وه‌ی، وه‌ک خۆیان بیر ده‌که‌نه‌وه‌، به‌ر ته‌وژمی گۆڕان نه‌که‌ون و له‌لایکی دیکه‌شه‌وه‌ له‌ترسی له‌ده‌ستدانی ده‌ستکه‌وتی ماڵی و ژیانیی هتد…

پاشکۆ: ئه‌م بابه‌ته‌ ته‌نها بۆ مه‌به‌ستی زانیاری گشتی نوسراوه‌و به‌داخه‌وه‌ ماوه‌ی ئه‌وه‌م نه‌بووه‌ که‌ به‌ووردی توێژینه‌وه‌ی له‌سه‌ر بکه‌م و به‌دوای ئامار و لێکۆڵینه‌وه‌و سه‌رچاوه‌دا بگه‌ڕێم. زانیارییه‌کان ته‌نها په‌یوه‌ندییان هه‌یه‌ به‌ ژیانی ڕۆژانه‌ی خه‌ڵکه‌وه‌ له‌و ده‌وروبه‌رانه‌دا که‌ ئێمه‌ تێیاندا ژیاوین و له‌وانه‌شدا که‌ تێیاندا ده‌ژین.

تشرینی دووه‌م 1, 2011

ئاگادارییه‌ک له‌ گۆشه‌ی (پرسیار و وه‌ڵام ده‌رباره‌ی سێکس)ه‌وه‌

ڕوونکردنه‌وه‌یه‌ک له‌ گۆشه‌ی (پرسیار و وه‌ڵام ده‌رباره‌ی سێکس)ه‌وه‌، بۆ گشت خوێنه‌ره‌ به‌ڕێزه‌کانی ماڵپه‌ڕی ده‌روونناسی

به‌ڕێزان: په‌یوه‌ندییه‌کی زۆرمان پێوه‌ ده‌کرێت سه‌باره‌ت به‌ پرسیاری جۆراوجۆر ده‌رباره‌ی سێکس، یان له‌شێوه‌ی کۆمێنت له‌ گۆشه‌که‌دا، یان به‌ئیمه‌یلی شه‌خسی به‌ڕێوه‌به‌ری ماڵپه‌ڕ. ئه‌گه‌رچی خوێنه‌رانی به‌ڕێز و هه‌موو تاکێک مافی به‌ده‌ستهێنانی هه‌موو جۆره‌ زانیارییه‌کیان هه‌یه‌ سه‌باره‌ت به‌ سێکس و سێکسۆلۆژی و گشت کایه‌کانی تر، به‌ڵام ئه‌وه‌ی تێبینی ده‌که‌ین له‌پرسیاره‌کاندا:
1- زۆرینه‌ی پرسیاره‌کان له‌ گۆشه‌کانی (پرسیار و وه‌ڵام ده‌رباره‌ی سێکس)دا وه‌ڵامدراونه‌ته‌وه‌، یاخود له‌و وتارانه‌ی له‌ گۆشه‌ی (سێکس)دا هه‌یه‌ له‌ ئه‌رشیفی ماڵپه‌ڕه‌که‌دا، وه‌ڵامیان ده‌ستده‌که‌وێت، به‌ڵام ئه‌وه‌ی جێگه‌ی نیگه‌رانی ئێمه‌یه‌ له‌ پرسیاره‌کانه‌وه‌ دیاره‌ که‌ به‌شێک له‌و خوێنه‌ره‌ به‌ڕێزانه‌ ئاماده‌ییان تێدانییه‌ که‌ چاوێک به‌ گشت به‌شه‌کانی ئه‌و دوو گۆشه‌یه‌دا بخشێنن و وه‌ڵامی گونجاویان ده‌ستبکه‌وێت.
2- سه‌باره‌ت به‌چه‌ندین پرسیار که‌ تایبه‌ت نین به‌ پسپۆریی ده‌روونی، وه‌ڵامیان لای ئێمه‌ ده‌ستناکه‌وێت، بۆنموونه‌ کێشه‌کانی تایبه‌ت به‌ منداڵبوون و منداڵنه‌بوون، و سپێرم و ….تد. یان ئه‌و پرسیارانه‌ی ده‌رباره‌ی حه‌ڵاڵی و حه‌رامی هه‌ندێک ڕه‌فتاری سێکسیی ده‌کرێت، ئێمه‌ نه‌ مامۆستای ئایینین و نه‌ لیژنه‌ی فه‌توامان هه‌یه‌.
بۆیه‌ هیوادارین خوێنه‌رانی به‌ڕێز له‌مه‌ودوا به‌ر له‌ناردنی پرسیاره‌کانیان ده‌رباره‌ی سێکس، چاوێک به‌ ئه‌رشیفی ماڵپه‌ڕه‌که‌دا بخشێنین چونکه‌ که‌می کات وامان لێده‌کات ئه‌و پرسیارانه‌ی پێشتر وه‌ڵام دراونه‌ته‌وه‌، نه‌توانین جارێکی تر وه‌ڵامیان بده‌ینه‌وه‌.
هیوادارین خوێنه‌رانی به‌ڕێز لێمان زویر نه‌بن، به‌ڵێنیشتان ده‌ده‌ینێ که‌ هه‌روه‌کو له‌مه‌وپێش، له‌مه‌ودواش درێغی ناکه‌ین له‌ بڵاوکردنه‌وه‌ی ئه‌و بابه‌تانه‌ی تینوێتی خوێنه‌ران ده‌شکێنێت له‌چوارچێوه‌ی زانستی ده‌روونناسی و پزیشکیی ده‌روونیدا
ڕێز و خۆشه‌ویستیمان بۆ هه‌مووان

به‌ڕێوه‌به‌ری ماڵپه‌ڕی ده‌روونناسی

ئایار 14, 2011

ئالووده‌بوون به‌ سێکس

ئالــوودە بــوون بە سێكس
د. ڕێدار محمد ئه‌مین
پسپۆری نه‌خۆشییه‌ ده‌روونییه‌کان

یەكێك لە گرفتە گەورەكانی جیهان لەم سەردەمەدا، بریتیە لە ئالودەبوون. ئالوودەبوون بە مانا سادەكەی واتە:بوونی پاڵنەرێكی جەستەیی‌و دەروونی بۆ ئەنجامدانی كارێك بە بەردەوامی، لەگەڵ ئالۆزبوونی ژیان وپێشكەوتنی تەكنۆلۆژیا، ڕۆژ دوای ڕۆژ جۆری نوێ‌ لە ئالودەبوون دێتە كایەوە، وەك ئالوودە بوون بە دەرمان و ماددە هۆشبەرەكان، ئالوودەبوون بە ئینتەرنێت، پلێستێشن، قومار…هتد. ڕەنگە ئالوودەبوون بە سێكسیش كۆنترین جۆری ئالوودەبوون بێت لە مێژووی مرۆڤایەتی، بەڵام كەمترینیان بێت كە قسەو باسی لە سەر كرابێت، ئەمەش لەبەر ئەوەیە مرۆڤ هەمیشە حەز دەكات ڕەفتارە نەشیاوەكانی لە خەڵك بشارێتەوەو درێژە

نیسان 8, 2011

وه‌ڕسی سێکسیی دوای ژیانی هاوسه‌رێتی

وه‌ڕسی سێكسیی دوای ژیانی هاوسه‌رێتی
د. ڕێدار محه‌‌مه‌د ئه‌مین
پسپۆری بۆردی نه‌خۆشییه‌ ده‌روونییه‌كان

بێگومان مرۆڤ له‌ دوای پێگه‌یشتن و ته‌واو بوونی ئه‌ندامی سێكسی ئاره‌زووی سێكسی لا دروست ده‌بێت،ئه‌م ئاره‌زووه‌ له‌ مرۆڤێك بۆ یه‌ كێكی تر جیاوازی هه‌یه‌،و له‌ كاتێك بۆ كاتێكی تر جیاوازه‌،له‌م وتاره‌دا هه‌وڵده‌ده‌ین باسی وه‌ڕسی سێكسی یان بێزاربوون له‌ سێكس دوای ژیانی هاوسه‌ری بكه‌ین. درێژە

كانونی دووه‌م 13, 2011

سێکس و خۆشه‌ویستی له‌ په‌یوه‌ندی هاوسه‌گیریدا

سێکس و خۆشه‌ویستی له‌ په‌یوه‌ندی هاوسه‌رگیریدا
د. سه‌ڵاحی گه‌رمیان
ئوسترالیا – سیدنی
selah.germian@yahoo.com.au

له‌ هه‌ر پرۆسه‌یه‌کی هاوسه‌رگیریدا‌‌، هه‌ردوو ڕه‌گه‌ز مه‌به‌ستیانه‌ به‌درێژایی ته‌مه‌نیان ژیان پێکه‌وه‌ به‌رنه‌سه‌ر له‌ چوارچێوه‌ی خێزانێکی به‌خته‌وه‌ردا. بۆیه‌ پرۆسه‌که‌ به‌ زه‌ماوه‌ند وئاهه‌نگی تایبه‌ت ده‌ستپێئه‌که‌ن و ئه‌و بۆنه‌یه‌ پێرۆزئه‌که‌ن به‌ به‌شداری که‌سوکار و هاوڕییانی هه‌ردوولا کە هیوای ژیانێکی به‌خته‌وه‌ریان بۆ ئه‌خوازن. به‌ڵام له‌ زۆربه‌ی حاڵه‌ته‌کاندا، زۆری پێ ناچێت ئه‌و هیوا و خواستانه‌ کاڵ ئه‌بنه‌وه‌ و ئه‌و به‌ڵێن په‌یمانه‌ی به‌یه‌کیان دابوو خۆی ناگرێت به‌رامبه‌ر ئه‌و واقیعه‌ی دێته‌ کایه‌وه‌ به‌ هۆی نه‌گونجاندن و هه‌ڵنه‌کردن له‌گه‌ڵ یه‌کدا که‌ کۆمه‌ڵێک هۆکار ڕؤڵی تیادا ئه‌بینێت، به‌ڵام له‌ هه‌موویان گرنگتر سێکس و خۆشه‌ویستیه‌ درێژە

كانونی دووه‌م 11, 2011

هێزی سێکسیی لای پیاوان

هێزیی سێکسیی لای پیاوان
ده‌روونناس
سامان سیوه‌یلی

ئاشکرایه‌ که‌ سێکس فه‌رمانێکه‌ له‌و فه‌رمانانه‌ی جه‌سته‌ی مرۆڤ ئه‌نجامی ئه‌دات. بۆ ئه‌وی ئه‌م پرۆسه‌یه‌ به‌شێوه‌یه‌کی ته‌واوکار ئه‌نجام بدرێت پێویسته‌ چه‌ند فاکته‌رێک بوون یاخود ئاماده‌ییان هه‌بێت. هه‌ندێک له‌م فاکته‌رانه‌ جه‌سته‌یین و هه‌ندێکیان ده‌روونین. لاسه‌نگی یان ناته‌واوی له‌هه‌ر لایه‌کیاندا هه‌بێت کار له‌پرۆسه‌ی سێکسی ده‌کات و ناته‌واوی ده‌کات. به‌گشتی هێزی سێکسی لای پیاوان (نێر) به‌نده‌ به‌ کۆمه‌لێک فاکته‌ره‌وه‌ که‌ ئه‌مانه‌ن :
هه‌ردوو گون ده‌بێت له‌بارێکی سروشتی (ئاسایی) دا بن له‌ڕووی پێکهاته‌وه‌ و له‌ڕووی ده‌ردانی سپێرمه‌وه‌، درێژە

ئه‌یلول 20, 2010

قۆناغه‌کانی وروژاندنی سێکسیی لای نێر و مێ

قۆناغەكانی وروژاندنی سێكسیی لای نێر و مێ
د. ئەفرام محەمەد حەسەن
پسپۆری نەخۆشییە دەروونییەكان

دەتوانین وروژاندنی سێكسی هەر لەسەرەتای دەستپێكردنەوە تاكو كۆتایی ئەو كارە، دابەش بكەین بەسەر چوار قۆناغەوە:
• لای نێر:
1- وروژاندن (Excitement):
لەماوەی چەند چركەیەكدا دەستپێدەكات بەهۆی خەیاڵ كردنەوە، بینین، یان هەر ڕێگەیەكی تر، دەشێت چەند خولەكێك تا چەند كاژێرێك بخایەنێت.
گۆڕانكارییەكان بریتین لە:
_ ڕەپ بوون (Erection) و گرژبوونی كیسەی هەڵگری گونەكان و دەردانی بڕێك شلەی لینجی بریسكەدار كە تۆوی تێدایە. درێژە

ئه‌یلول 6, 2010

له‌ناو جێگه‌ی نوستنه‌وه‌ بۆ هۆڵی دادگا

له‌ناو جێگه‌ی نوستنه‌وه‌ بۆ هۆڵی دادگا
توێژه‌ری ده‌روونی
سامان سیوه‌یلی

قه‌یرانه‌ کۆمه‌ڵایه‌تییه‌کانی خێزان قه‌یرانیگه‌لێکی فره‌ ڕه‌هه‌ند و فره‌ هۆکارن، له‌وانه‌ش: ده‌ستێوه‌ردانی کۆمه‌ڵایه‌تی، هۆکاری ده‌روونی، ئابوری، سێکسیی، سۆزداریی و …تد. ئه‌وه‌ی مه‌به‌سته‌ لێره‌دا ئه‌و کێشانه‌ن که‌ له‌ناو جێگه‌ی نووستنه‌وه‌ سه‌رهه‌ڵئه‌ده‌ن و هێدی هێدی ده‌بنه‌ دێوه‌زمه‌یه‌ک به‌سه‌ر ژیانی هاوسه‌رانه‌وه‌ و کاریگه‌ری له‌سه‌ر په‌یوه‌ندی کۆمه‌ڵایه‌تی و خۆشه‌ویستی و ڕێز و توانای پێکه‌وه‌ ژیانی هاوسه‌ران جێده‌هێڵیت به‌شێوه‌یه‌کی نه‌رێنی و ئه‌گه‌ر به‌بێ درێژە

ئاب 23, 2010

فۆبیای شه‌وی په‌رده‌

فۆبیای شەوی پەردە
توێژەری دەروونی
سامان سیوەیلی

لەماوەی شەش مانگی ڕابردوودا، لەنێو ئەو كێشە دەروونیانەی ڕوویان كردۆتە سەنتەری ڕاوێژكاریی خێزان، ڕێكەوتی سێ حاڵەتم كردووە لەڕەگەزی مێینە كە دووچاری فۆبیای شەوی پەردە هاتبوون، یەكەمیان ساڵێك و شەش مانگ تێپەڕیبوو بەسەر ژیانی هاوسەرگیرییدا بەڵام هێشتا هیچ پرۆسەیەكی سێكسیی لەگەڵ هاوسەرەكەیدا ئەنجام نەدابوو، تەنانەت پاش مانگێك لەدەستپێكی ژیانی هاوسەریی بۆ چارەسەركردنی ئەم حاڵەتە و ڕەواندنەوەی ترسەكەی چۆتە لای پزیشكی ژنان و بەنەشتەرگەری پەردەی كچێنی درێژە

ته‌مموز 29, 2010

« پەڕەی پێشووپەڕەی داهاتوو »