Mallperrî Derunnasy » ئاگاداری و هه‌واڵ

ئاگادارییه‌ک بۆ خوێنه‌رانی به‌ڕێزی ماڵپه‌ڕی ده‌روونناسی

توێژه‌ری ده‌روونی: سامان سیوه‌یلی — Sat, 28 Jan 2012 19:32:04 +0000

ئاگادارییه‌ک بۆ خوێنه‌رانی به‌ڕێزی ماڵپه‌ڕی ده‌روونناسی
ئاگاداری هه‌موو ئه‌و به‌ڕێزانه‌ ده‌که‌ین که‌ ڕۆژانه‌ پرسیارمان ئاڕاسته‌ ده‌که‌ن ده‌رباره‌ی کێشه‌ سێکسییه‌کان به‌گشتی و لاوازی سێکسیی به‌تایبه‌تی، له‌مه‌ودوا ده‌توانن سه‌ردانی پزیشکی پسپۆر بکه‌ن تاکو کێشه‌کانیان چاره‌سه‌ر بکرێت، به‌م ناو و ناونیشانه‌ی خواره‌وه‌:
د. دارا عه‌بدوڵا حه‌مه‌ سه‌عید چناره‌یی
پسپۆری هه‌ناو و شه‌کره‌ و لاوازی سێکسیی
سلێمانی – سه‌را – ته‌نیشت گه‌راجی پاسه‌کانی ڕزگاری
ئه‌مه‌ی خواره‌وه‌ش ئیمه‌یلی پسپۆری ناوبراوه‌:
daraabdullayah@yahoo.com

دۆزینه‌وه‌ی ماده‌یه‌ک له‌ مێشکی مرۆڤدا که‌ لێپرسراوه‌ له‌پرۆسه‌ی خه‌وتن و بێداری لای مرۆڤ – و: عوسمانی حاجی سه‌لام

توێژه‌ری ده‌روونی: سامان سیوه‌یلی — Tue, 17 Jan 2012 08:15:56 +0000

دۆزینەی مادەیەک لەمێشکدا کەلێپرسراوە لەپرۆسەی خەوتن و بێداری لای مرۆڤ :
وەرگێرانی / عوسمانی حاجی سەلام

زانایانی ئەمریکی توانیان مادەیەکی کیمیایی لە مێشکدا بدۆزنەوە کە ڕۆڵی گرنگ دەگێڕێت لە خەوتن و بێداریماندا ھەر ئەو مادەیەش دەبێتە ھۆی ئەوەی لەو دووحاڵەتەدا بەتەواوی لە ماندووبوون بمانپارێزێت و ڕۆڵی دەرمانی کاریگەر دەگێڕێت . ڕۆژنامەی ( دەیلی میل )ی بەریتانی ئاماژەی بەوەشکردووە کە زانایان ئەوەشیان زانیوە کە کەمی ئەم مادەیە لەمێشکدا دەبێتە ھۆی زیاد نوستن و زیادەڕەوی کردن لەخەوتندا وەبەپێچەوانەشەوە زۆربونی ئەم مادەی دەبێتە ھۆی کەم خەوی ، شایەنی باسە ھاوڵاتیانی بەریتانی لە ماوەی شەووڕۆژێکدا (٦ تا ٧) کاتژمێر دەخەون ئەمەش کەمترە لە ڕادەی پێویستی لەش بۆ خەو ، ساڵانەش خەرجیەکی زۆر لەبەرامبەر بەکارھێنانی دەرمانی پزیشکی ھێورکەرەوەدا خەرج دەکەن ، توێژینەوەیەکیش بەم دواییانە ئەوەی سەلماند کە بەکارھێنەرانی ئەو دەرمانە ھێورکەرەوانە ئەگەری مردنیان بەڕێژەی لە % ٣٦ زیاترە وەک لەوانەی ئەو جۆرە دەرمانانە بەکار ناھێنن .

ئاگاردارییه‌ک له‌ ماڵپه‌ڕی وه‌رزشی ده‌روونییه‌وه‌

توێژه‌ری ده‌روونی: سامان سیوه‌یلی — Tue, 17 Jan 2012 08:04:27 +0000

ئاگاداری
ئاگادارییەك لە ماڵپەڕی وەرزشی دەروونیەوە
بەڕێزان ئێمە زۆر خۆشحاڵین کە ڕۆژانە پەیوەندیمان پێوە دەکرێت سەبارەت بەوەی کە ماڵپەڕەکەمان بۆ چی وا بۆ ماوەیەکە نوێکاری بەخۆیەوە نەبینیووە. لەکاتێکدا ئەمە ئەوە دەگەیەنێت کە هەمیشە تامەزرۆی بابەتی نوێی ڕاهێنانە دەروونیەکان هەیە، ئێمەش وەك ستافی ماڵپەڕەکەمان سوپاسی هەموو ئەو میوانە بەڕیزانە ئەکەین کە بەردەوامن لە پشتیوانیمان و هاندەرمانن بۆ زیاتر گەشەکردنمان لەم بوارەدا.
هەربۆیە هەموو لایەك دڵنیا دەکەینەوە کە ئێمە ماوەیەکە دووچاری کێشەیەکی تەکنیکی بووینەتەوە کە نەمانتوانیووە بابەتی نوێ داگرین. ئێستاش بەردەوام لە هەوڵداین و بە پشتیوانی خودا بەم نزیکانە لە جاران باشتر بە بابەت و چالاکیەکانمانەوە دێینەوە خزمەتتان.
سەرکەوتوبن
www.warzshidaruni.com ستافی/

ده‌روونناس (سامان سیوه‌یلی) له‌ سیمینارێکدا بۆ خوێندکاران و قوتابیانی ئاماده‌یی (شه‌هید مامۆستا به‌ختیار) له‌ زه‌ڕایه‌ن

توێژه‌ری ده‌روونی: سامان سیوه‌یلی — Thu, 05 Jan 2012 18:13:50 +0000

ده‌روونناس (سامان سیوه‌یلی) له‌ سیمینارێکدا بۆ خوێندکاران و قوتابیانی ئاماده‌یی (شه‌هید مامۆستا به‌ختیار) له‌ زه‌ڕایه‌ن‌
له‌چوارچێوه‌ی هه‌ڵمه‌تی هۆشیار کردنه‌وه‌ی قوتابیان و خوێندکارانی قوتابخانه‌ ئاماده‌ییه‌کانی کچان و تێکه‌ڵاو له‌ناو شاری سلێمانی و قه‌زا و ناحیه‌ و گونده‌کانی پارێزگای سلێمانی، کاتژمێر (10) پێشنیوه‌ڕۆی ئه‌مڕۆ 5/1/2012، به‌به‌شداری (40) خوێندکاری ئاماده‌یی (شه‌هید مامۆستا به‌ختیار) له‌ زه‌ڕایه‌ن (20 کچ و 20 کوڕ) سیمینارێک بۆ ده‌روونناس (سامان سیوه‌یلی) سازکرا، که‌ به‌یاوه‌ری توێژه‌ری کۆمه‌ڵایه‌تی ئاماده‌ییه‌که‌ به‌ڕێز (هیوا تاوه‌گۆزی) و چه‌ند مامۆستایه‌ک سه‌ردانی شاری سلێمانییان کردبوو به‌مه‌به‌ستی ئه‌نجامدانی گه‌شتێکی زانستی و به‌شداری کردن له‌ سیمینارێکی ده‌روونناسی ناوبراودا ، که‌ له‌هۆڵی به‌ڕێوه‌به‌رایه‌تی چالاکییه‌ هونه‌رییه‌کان سه‌ر به‌به‌ڕێوه‌به‌رایه‌تی گشتی په‌روه‌رده‌ی سلێمانی به‌ڕێوه‌چوو.
سه‌ره‌تا ده‌روونناس به‌خێرهاتنی ئاماده‌بووانی کرد که‌ ئه‌رکیان کێشاوه‌ و ئه‌و ڕێگه‌یه‌یان بڕیوه‌ و سوپاس کردنی تویژه‌ری کۆمه‌ڵایه‌تی ئاماده‌یی ناوبراوه‌وه‌ که‌ له‌سه‌ر داوای به‌ڕێزیان ئه‌م سیمیناره‌ سازکراوه‌. .
شایانی ئاماژه‌ بۆ کردنه‌، ده‌روونناس له‌و سیمیناره‌دا له‌سه‌ر چه‌ندین کێشه‌ی تایبه‌ت به‌ قۆناغی هه‌رزه‌کاری وه‌ستا، وه‌ک: خراپ به‌کارهێنانی مۆبایل و ئینته‌رنێت، کێشه‌ سۆزدارییه‌کان، ئاشناکردنیان به‌ چه‌ند میکانیزمێکی که‌مکردنه‌وه‌ی فشاره‌ ده‌روونییه‌کان، کێشه‌کانی تایبه‌ت به‌ ته‌رکیز و خوێندن، کێشه‌کانی تایبه‌ت به‌ نووستن.
ناوبراو بۆ ماوه‌ی یه‌ک کاژێر و نیو قسه‌ی له‌سه‌ر ئه‌و ته‌وه‌رانه‌ کرد، پاشان ماوه‌ی نیو کاژێر کات ته‌رخان کرا بۆ وه‌ڵامدانه‌وه‌ی پرسیاره‌کانی قوتابیان و خوێندکاران.
قوتابیان و خوێندکاران خۆشحاڵی زۆری خۆیان ده‌ربڕی بۆ سازکردنی ئه‌م‌ سیمیناره‌. شایانی ئاماژه‌ بۆ کردنه‌ به‌ڕێز جه‌زا حه‌مه‌ ساڵح (سه‌رپه‌رشتاری توێژه‌رانی قوتابخانه‌کان) کارئاسانی لۆجیستی ئه‌م سیمیناره‌ی کرد به‌ دابینکردنی هۆڵی ناوبراو.

سه‌نته‌ری گه‌شه‌پێدانی مرۆیی هۆڵه‌ندی، سیمینارێک بۆ ڕوناکبیر (کاوه‌ یار) ساز ده‌کات

توێژه‌ری ده‌روونی: سامان سیوه‌یلی — Wed, 04 Jan 2012 14:44:34 +0000

سه‌نته‌ری گه‌شه‌پێدانی مرۆیی هۆڵه‌ندی سیمینارێک بۆ ڕوناکبیر (کاوه‌ یار) ساز ده‌کات
(جه‌سته‌ی خۆت بناسه‌) ناونیشانی ئه‌و سیمیناره‌یه‌ که‌ سه‌نته‌ری گه‌شه‌پێدانی مرۆیی هۆڵه‌ندی بۆ ڕوناکبیر به‌ڕێز (کاوه‌ یار)ی ساز ده‌کات، نابراو له‌م سیمیناره‌دا تیشک ده‌خاته‌ سه‌ر هۆشمه‌ندی ئێمه‌ی مرۆڤ ده‌رباره‌ی جه‌سته‌ و شێوازه‌کانی مامه‌ڵه‌ کردنێکی دروست له‌گه‌ڵ جه‌سته‌دا. ڕۆژی شه‌ممه‌، 07/01/2012 ، کاتژمێر (3:30) پاشنیوه‌ڕۆ.
هاتن بۆ هه‌مووانه‌ و ئاماده‌بوونتان خۆشحاڵمان ده‌کات
ناونیشان
سلێمانی – شه‌قامی سالم
سه‌روو ڕیستۆرانتی شکار، نزیک ئه‌زمه‌ڕ ئێر

ساڵی نوێتان پیرۆز

توێژه‌ری ده‌روونی: سامان سیوه‌یلی — Sat, 31 Dec 2011 16:26:52 +0000

ساڵی نوێتان پیرۆز
به‌بۆنه‌ی هاتنی ساڵی نوێی زاینییه‌وه‌ (2012) و ماڵئاوایی کردن له‌ ساڵی (2011)، جوانترین پیرۆزبایی ئاڕاسته‌ی سه‌رجه‌م کوردستانیانی ئازیز ده‌که‌ین له‌هه‌ر کوێیه‌کی ئه‌م گه‌ردوونه‌دا بن، به‌تایبه‌تی نووسه‌ران و خوێنه‌رانی ئازیزی ماڵپه‌ڕی ده‌روونناسی، به‌هیوای ئه‌وه‌ی هاتنی ئه‌م بۆنه‌یه‌ ببێته‌ مایه‌ی پێداچوونه‌وه‌مان به‌ خۆمان و ڕه‌فتار و شێوازی بیرکردنه‌وه‌مان، له‌پێناو زیاتر گه‌یشتنمان به‌ که‌ناره‌کانی ئارامی و ئاسووده‌یی ده‌روونی و دوور که‌وتنه‌وه‌مان له ته‌نگژه‌ و ململانێ ده‌روونییه‌کان، به‌مبۆنه‌یه‌وه‌ هیوای ژیانێکی ئارام و ته‌ندروستی و ده‌رووندروستی باشتان بۆ ده‌خوازین، هه‌موو لایه‌کتان ئاسووده‌ و به‌خته‌وه‌ربن. بۆ نه‌ته‌وه‌که‌شمان ساڵی گه‌یشتن بێت به‌ سه‌رجه‌م مافه‌ نه‌ته‌وایه‌تییه‌کانی، ئاشتی و ئارامیش باڵ به‌سه‌ر کوردستاندا بکێشێت.
ماڵپه‌ڕی ده‌روونناسی
31/12/2011

ئه‌مڕۆ 30/12/2011 یه‌که‌مین خولی ڕۆشنبیریی ده‌روونی کۆتایی هات

توێژه‌ری ده‌روونی: سامان سیوه‌یلی — Fri, 30 Dec 2011 18:33:26 +0000

ئه‌مڕۆ 30/12/2011 یه‌که‌مین خولی ڕۆشنبیریی ده‌روونی کۆتایی هات
پاش ئه‌وه‌ی سه‌نته‌ری ڕاوێژکاریی خێزان بۆ گرفته‌ ده‌روونی و کۆمه‌ڵایه‌تی و په‌روه‌رده‌ییه‌کان ڕۆژی 9/12/2011 یه‌که‌مین خولی ڕۆشنبیریی ده‌روونی کرده‌وه‌ بۆ (70) توێژه‌ری ده‌روونی و کۆمه‌ڵایه‌تی و قوتابیان و خوێندکارانی به‌شی ده‌روونناسی و کۆمه‌ڵناسی، ئه‌مڕۆ 30/12/2011 دواهه‌مین ڕۆژی خوله‌که‌ بوو، که‌ چوار ڕۆژی خایاند و ڕۆژانی هه‌ینی 9،16،23،30/12/2011 به‌رده‌وامبوو، وانه‌بێژانی خوله‌که‌ پێکهاتبوون له‌ چوار پسپۆری ده‌روونی (د. ئه‌فرام محمد حه‌سه‌ن، د. دانیال سه‌عدی حامد، د. ڕێدار محمد ئه‌مین، د. ڕێبوار غه‌ریب حه‌مه‌).
دواڕۆژی خوله‌که‌ و پاش ته‌واوبوونی ته‌وه‌ره‌کانی ئه‌مڕۆ، وتووێژێکی کورت به‌ڕێوه‌چوو ده‌رباره‌ی تێبینی و سه‌رنج و پێشنیاره‌کانی به‌شداره‌ به‌ڕێزه‌کان، به‌شداران خۆشحاڵی خۆیان له‌ کردنه‌وه‌ی ئه‌مجۆره‌ خولانه‌ ده‌ربڕی و ده‌ستخۆشی و سوپاسیان ئاڕاسته‌ی سه‌نته‌ری ڕاوێژکاریی خێزان و وانه‌بێژان کرد.
به‌ناوی سه‌نته‌ری ڕاوێژکاریی خێزانه‌وه‌ سوپاسی بێپایانمان بۆ هه‌موو ئه‌و به‌ڕێزانه‌ی به‌شدارییان له‌م خوله‌دا کرد و به‌په‌رۆشه‌وه‌ ئاماده‌ی ڕۆژانی خوله‌که‌ بوون، هه‌روه‌ها سوپاسی بێپایانمان بۆ پسپۆره‌ وانه‌بێژه‌کانی ئه‌م خوله‌، هه‌روه‌ها سوپاسی بێپایانمان بۆ سه‌نته‌ری ڕاگه‌یاندن و ڕووناکبیری ژنان بۆ دابینکردنی هۆڵێکی گونجاو بۆ ئه‌م خوله‌.